Skipulags- og umhverfisnefnd Fjallabyggðar

Umsókn um byggingarleyfi fyrir geymslu í landi Vermundarstaða L190154

Umsókn um byggingarleyfi fyrir viðbyggingu að Hlíðarvegi 23a 625 Ólafsfirði. Málið hefur verið grenndarkynnt og ein athugasemd borist.

Óskað er eftir minniháttar breytingu á aðalskipulagi, þar sem lóðinni við Aðalgötu 15 er breytt úr íbúðarhúsalóð yfir í verslunar- og þjónustulóð.

Lögð fram umsókn um endurnýjun lóðarleigusamnings vegna Aðalgötu 2, 580 Siglufirði. Einnig lögð fram drög að merkjalýsingu sem er fylgiskjal samningsins.

Lögð fram umsókn um endurnýjun lóðarleigusamnings vegna Lindargötu 20, 580 Siglufirði. Einnig lögð fram drög að merkjalýsingu sem er fylgiskjal samningsins.

Samkvæmt reglum um úthlutun lóða í Fjallabyggð skal skilað inn teikningum innan 6 mánaða frá úthlutun lóða. Þar sem engin gögn hafa borist frá lóðarhafa er úthlutun lóðarinnar við Suðurgötu 83, 580 Siglufirði felld úr gildi.

Fyrir liggur erindi frá Fjallgörðum Íslands þar sem kynnt er hugmynd að fljótandi gufubaði á Ólafsfjarðarvatni í landi Brekkulands. Málið var tekið fyrir í bæjarráði og óskað umsagna Veiðifélags og Umhverfisstofnunar. Jákvæðar umsagnir hafa borist frá báðum aðilum, auk umsagnar fiskifræðings og framkvæmdarleyfi frá Fiskistofu. Óskað er eftir framkvæmdarleyfi á grundvelli fyrirliggjandi gagna.

Landeigandi Vermundastaða í Ólafsfirði, óskar eftir afstöðu Fjallabyggðar til þess að hafin verði skipulagsvinna vegna fyrirhugaðrar frístundabyggðar í landi jarðarinnar.

Fyrir liggja drög að útboðsgögnum vegna snjómoksturs og hálkuvarna í Fjallabyggð 2026-2029 en fyrri samningar eru nú útrunnir.

Meðfylgjandi er bréf frá Vegagerðinni til sveitarstjóra og skipulagsfulltrúa sveitarfélagsins varðandi samgöngur og skipulag.