Bæjarráð Fjallabyggðar

Fyrir liggur minnisblað frá Sviðsstjóra skipulags- og framkvæmdasviðs um stöðu holræsahreinsunar á Siglufirði og Ólafsfirði sem staðið hefur frá því seint á árinu 2024 þar til nú að þeim er lokið. Verkið hefur orðið dýrara því það kom í ljós í sumar að holræsakerfið í Ólafsfirði var yfirfullt af sandi, grjóti og ýmsu drasli. Það tók því lengri tíma að hreinsa kerfið en áætlað var. Holræsakerfin á Siglufirði og Ólafsfirði eru nú betur í stakk búin að taka við rigningarvatni eins og þeim er ætlað, ekki síst í stórrigningum. Bæjarráð þakkar sviðsstjóra fyrir minnisblaðið og leggur til að sett verði frétt á heimasíðu Fjallabyggðar með þeim myndum sem fylgja málinu. Það getur valdið stórtjóni á fasteignum ef fráveitulagnir stíflast af allskonar drasli sem á alls ekki heima í fráveitulögnum.

Fyrir liggja svör frá meirihluta bæjarráðs vegna spurninga frá fulltrúa D- listans á bæjarstjórnarfundi 17. september s.l. og eru þau birt með fundargerðinni.

Tómas Atli Einarsson fulltrúi D-lista bókaði eftirfarandi:

"Fulltrúi D-lista telur svör meirihlutans ekki skýra hvaða gögn og samanburður studdu tillöguna um eigin rekstur skíðasvæðisins 3. september.

Tilvísun til ástands svæðisins sýnir ekki ein og sér hvers vegna sú leið hafi verið óumflýjanleg, enda kemur fram að rekstraráætlun og mat á fjárþörf hafi verið enn í vinnslu þegar svörin voru samin.

Jafnframt er staðfest að ákveðið var að leggja lögfræðiráðgjöfina hvað varðar jafnræði bjóðenda ekki fram á fundinum og að formaður synjaði frekari bókun, án þess að tiltekin regla sé nefnd til stuðnings. Samþykki mitt á frágangi fundargerðar fól ekki í sér samþykki á efni bókunar meirihlutans eða afturköllun athugasemda við málsmeðferðina. Óskað er eftir að gögn um forsendur tillögunnar verði lögð fram og leiðréttingarkrafan fái efnislega, rökstudda afgreiðslu."

Bæjarráð óskar eftir því við Sviðsstjóra skipulags- og framkvæmdasviðs að tilnefna fulltrúa Fjallabyggðar í Vatnasvæðanefnd hjá Umhverfisstofnun.

Bæjarráð staðfestir fyrirliggjandi tillögu og vísar til afgreiðslu bæjarstjórnar.

Bæjarráð þakkar fyrir framlögð gögn og heimilar sviðsstjóra að auglýsa opið útboð í samræmi við fyrirliggjandi gögn.

Bæjarráð tekur vel í beiðni Markaðsstofunar vegna Flugklasans Air66N um framlag næstu þrjú árin sem áætluð eru kr. 1.000.000- á hverju ári. Vísað til gerðar fjárhagsáætlunar.

Bæjarráð tekur vel í erindið og vísar því til gerðar fjárhagsáætlunar 2027.

Bæjarráð lýsir yfir ánægju með framlagið og hvetur íbúa til að fjölmenna á viðburðinn um helgina. Bæjarráð samþykkir að styrkja viðburðinn um kr. 150.000.

Lagt fram til kynningar

Lagt fram til kynningar

Lagt fram til kynningar

Bæjarráð felur bæjarstjóra að kanna möguleika á þátttöku Fjallabyggðar í verkefninu og hugsanlegra samstarfsaðila.

Lagt fram til kynningar

Lagt fram til kynningar