Skíðasvæði Fjallabyggðar - Siglufirði

Lagt fram til kynningar bréf bæjarstjóra til Ofanflóðasjóðs dagsett 4 mars 2015, þar sem formlega er farið fram á að Ofanflóðasjóður komi að hlutdeild í kostun á færslu skíðasvæðisins í Siglufirði.

Lagt fram til kynningar svar Ofanflóðasjóðs, dagsett 4. júlí 2015, við erindi Fjallabyggðar um aðkomu sjóðsins að færslu á hluta skíðasvæðisins í Siglufirði.
Ofnaflóðasjóður telur sig ekki hafa lagaheimild til þess.

Bæjarráð harmar afgreiðslu stjórnar Ofanflóðasjóðs og ljóst er að skíðasvæði Fjallabyggðar í Skarðdal mun verða lokað í náinni framtíð. Veðurstofa Íslands hefur sett fram hættumat á skíðasvæðinu og til að uppfylla það þarf að ráðast í framkvæmdir, þ.e.a.s. vegagerð og færslu á skíðalyftum upp á að minnsta kosti 200 mkr. Það er ljóst að sveitarfélag af þessari stærðargráðu hefur ekki burði til þess að standa undir slíkum framkvæmdakostnaði. Áhugi þeirra sem eiga að véla um þetta mál virðist afar takmarkaður, þ.e.a.s. Vegagerðarinnar og Ofanflóðasjóðs. Það yrði saga til næsta bæjar ef að eitt besta skíðasvæði landsins yrði lokað til frambúðar.

Lagt fram bréf Gunnars I. Birgissonar bæjarstjóra til Ofanflóðasjóðs vegna Hólavegar 7.

Ofanflóðasjóður hefur samþykkt að kveða til matsmenn varðandi ósk um uppkaup hússins að Hólavegi 7, Siglufirði.

Lagt fram bréf Ofanflóðanefndar, dagsett 28. ágúst 2015, varðandi Hólaveg 7 og endurbætur norðurhluta Hólavegar, Siglufirði.

Vísað er til fyrri afgreiðslu Ofanflóðanefndar um ofangreind mál, en nefndin er reiðubúin til viðræðna við forsvarsmenn Fjallabyggðar.

Bæjarstjóri upplýsti bæjarráð um fund með starfsmanni Ofanflóðanefndar 5. september s.l. þar sem farið var yfir málefni er snúa að Hólavegi 7 og norðurhluta Hólavegar á Siglufirði.

Bæjarráð felur bæjarstjóra að rita nefndinni bréf í ljósi nýrra upplýsinga.

Lagt fram til kynningar svar Ofanflóðanefndar frá 196. fundi, við erindi Fjallabyggðar frá 9. september 2015.

a. Aðkoma Ofanflóðasjóðs að viðgerðum vegna tjóns sem varð á Hólavegi og Fossvegi í úrhellinu 28. ágúst 2015 er til nánari skoðunar.
b. Ósk um endurbætur á dreni úr Bakkatjörn neðan garðs 6 (Kálfs) var samþykkt og verður verkið unnið í samstarfi við starfsmann nefndarinnar.
c. Aðkoma Ofanflóðasjóðs að viðgerðarkostnaði á Hólavegi norðan Hvanneyrarár að Hvanneyrarbraut er samþykktur með 60% hlut, að upphæð allt að 17,5 millj.

Lagt fram til kynningar bréf bæjarstjóra til stjórnar Ofanflóðasjóðs, dagsett 25. nóvember 2015 í tengslum við skemmdir á mannvirkjum á Siglufirði í hamfaraúrfelli 28. ágúst 2015.

Lagt fram svar Ofanflóðanefndar, dagsett 2. febrúar 2016, er varðaði erindi Fjallabyggðar dagsett 25. nóvember 2015 um skemmdir á mannvirkjum á Siglufirði í hamfaraúrhelli 28. ágúst 2015.

Ofanflóðanefnd telur ekki forsendur vera til frekari aðkomu að kostnaði vegna viðgerða vegna tjóns sem varð á Hólavegi og Fossvegi á Siglufirði, umfram kr. 9,1 milljón.
Jafnframt var óskað eftir gögnum vegna aðkeyptrar vinnu við hreinsun á suðursvæði í Siglufirði áður en afstaða yrði tekin til þess hluta erindis.

Bæjarráð er ósátt við afgreiðslu Ofanflóðanefndar og felur bæjarstjóra að rita nefndinni bréf miðað við umræður í bæjarráði.

Lagt fram til kynningar bréf til Ofnaflóðasjóðs dagsett 23. febrúar 2016.

Lagt fram til kynningar bréf Ofanflóðasjóðs dagsett 18. mars 2016.

Lagt fram til kynningar minnisblað bæjarstjóra frá fundi með stjórnarformanni og framkvæmdastjóra Ofanflóðasjóðs, dagsett 23. mars 2016.

Bæjarstjóri tók á móti fulltrúum Ofanflóðasjóðs, 30. maí s.l. og upplýsti bæjarráð um þau mál sem voru yfirfarin á þeim fundi.