Skráning er hafin í Vinnuskóla Fjallabyggðar sumarið 2025

Skráning er hafin í Vinnuskóla Fjallabyggðar sumarið 2025

Vinnuskólinn er fyrir ungmenni sem nýlokið hafa 8., 9. eða 10.bekk.

Forráðamenn þurfa að skrá unglinginn sinn í Vinnuskólann. Skráningin fer fram í Forms skráningarskjali Skráning

Vakin er athygli á að árið sem 16 ára aldri er náð verður skattskylda eins og hjá fullorðnum og þarf launþegi að ráðstafa persónuafslætti til vinnuveitanda. Ráðstöfun persónuafsláttar er á ábyrgð launþega. Upplýsingar um hvernig ráðstafa eigi persónuafslætti verða sendar með tölvupósti.

Dagsetningar:

Skólinn hefst þriðjudaginn 10. júní kl. 8.30 hjá öllum. Nemendur búsettir á Siglufirði mæta í Áhaldahús Fjallabyggðar. Nemendur búsettir á Ólafsfirði mæta í Hafnarskúrinn (Hafnarvogin).

Áætlaður lokadagur Vinnuskólans er miðvikudagur 30. júlí. Þó gefst ungmennum sem lokið hafa 10. bekk kostur á að vinna til 1. ágúst.

Vinnutími:

Ungmenni sem nýlokið hafa 8. bekk: Mætt er fyrir hádegi fimm daga í viku, frá kl. 8:30 til kl. 12:00. Einnig er hægt að haga vinnu þannig til ef einstaklingur vill frekar vinna frá 13:00 – 16:30 þá er það í boði líka. Daglegur vinnutími reiknast 3,5 klst. eða 17,5 tímar á viku.

Ungmenni sem nýlokið hafa 9. bekk: Unnið frá kl. 8:30 til 12:00 og frá kl. 13:00 til 16:30. Daglegur vinnutími reiknast 7 klst. Unnið er 3,5 klst. fyrir hádegi á föstudögum. Samtals möguleiki á 31,5 klst. vinnu á viku.

Ungmenni sem nýlokið hafa 10. bekk: Unnið frá kl. 8:30 til 12 og frá kl. 13:00 til 16:30. Daglegur vinnutími reiknast 7 klst. Samtals möguleiki á 35 klst. vinnu á viku.

Vinnuskólinn áskilur sér rétt til að takmarka frekar vinnutíma ef skráning fer fram úr áætlunum.

Dagskrá:

Almenn störf og áherslur í Vinnuskóla eru garðyrkja, gróðursetning, hirðing á lóðum og opnum svæðum bæjarins.

Skóla- og starfsreglur vinnuskóla Fjallabyggðar