Félagsaðstaða félagssamtaka eldri borgara

Félag eldri borgara á Siglufirði óskar eftir samtali um félagsaðstöðu sem gæti nýst starfsemi félagsins, meðal annars til varðveislu gagna og muna sem henni tengjast.

Helga Hermannsdóttir, forstöðumaður Skálarhlíðar, benti á aðstöðu á neðri hæð Skálarhlíðar sem mögulega gæti hentað fyrir starfsemi félagsins. Fulltrúar félagsins munu skoða aðstöðuna og meta hvort hún geti mætt þörfum félagsins.

Á fundi öldungaráðs fyrr í vikunni kom fram að hugsanlega er húsnæði til staðar á Skálarhlíð sem hentar starfseminni. Velferðarnefnd fór í heimsókn á Skálarhlíð og telur að húsnæðið sem í boði er sé mjög gott fyrir þá starfsemi sem Félag eldri borgara á Siglufirði er að óska eftir.

Bæjarráð tekur jákvætt í erindið og felur sviðsstjóra velferðarsviðs að vinna málið áfram með félaginu.