Bæjarráð Fjallabyggðar

Bæjarráð þakkar Björgvin og Jóhanni fyrir góða yfirferð á starfseminni en fram kemur að aðstæður í vor hafa verið með endemum góðar fyrir starfsemina sem hefur þá komið fram í mikilli þyrluumferð. Lögðu þeir áherslu á að fyrirtækið starfi eftir lögum og reglugerðum um loftför og munu eftir sem áður leggja sig í laupa við að sambúð við bæjarbúa verði með sem allra besta móti. Bæjarráð tekur þessu fagnandi og brýnir fyrir forsvarsmönnum fyrirtækisins að tillitssemi og umburðarlyndi verði áfram höfð að leiðarljósi. Framkvæmdasviði er falið að kanna hvers konar umgjörð væri hægt sé að útbúa um þyrluumferð og starfsemi þeirra í Fjallabyggð í samráði við lögmann sveitarfélagsins, íbúa og fulltrúa fyrirtækisins, þannig að bæði íbúar og atvinnustarfssemin njóti góðs af.

Bæjarráð þakkar þá einnig Viking Heliskiing fyrir framlagt minnisblað um fyrirætlanir fyrirtækisins á flugvallarsvæðinu. Bæjarráð telur eðlilegan lýðræðislegan farveg fyrir þau heildar áform sem lögð hafa verið fram að svæðið í kringum núverandi flugvallarbyggingar verði deiliskipulagt. Í því ferli gæfist íbúum og öðrum tækifæri til þess að koma sínum athugasemdum á framfæri. Bæjarráði hugnast engu að síður vel þau áform sem kynnt hafa verið um notkun núverandi mannvirkja og uppfylla þau markmið bæjarstjórnar um nýtingu fasteigna á flugvallarsvæðinu til uppbyggingar á atvinnustarfsemi. Bæjarstjóra er falið að halda áfram samningaviðræðum við fyrirtækið um nýtingu þeirra og leggja fyrir bæjarstjórn til samþykktar.

Bæjarráð samþykkir fyrirliggjandi tillögu að viðauka við fjárfestingaáætlun 2026 að upphæð kr. 57.500.000 þar sem lögð er áhersla á hafnarsvæðin, gangstéttir og leiksvæði. Viðaukanum verður mætt með lækkun á handbæru fé.

Þá felur bæjarráð bæjarstjóra að leggja fram frekari greiningu á kostnaði og umfangi framkvæmda við hafnarsvæðið í Ólafsfirði á svæðinu fyrir neðan Kjörbúðina og leggja fyrir áætlun og kostnaðarmat.  

Bæjarráð þakkar samantektina þar sem m.a. kemur fram að gestafjöldi á svæðinu eykst um ríflega 2.000 manns frá því í fyrravetur þrátt fyrir að aðeins séu 6 fleiri opnunardagar. Augljóst er að vel hefur tekist til með rekstur svæðisins í vetur og er rekstraraðila, L-7, þakkað fyrir vel unnið starf. Bæjarstjóra falið að kanna möguleika á rekstrarfyrirkomulagi næsta vetrar og leggja fram tillögur fyrir bæjarráð, sem og áætlun um þær framkvæmdir sem fram geta farið í sumar áður en rekstur svæðisins hefst að nýju næsta vetur.
Þá felur bæjarráð bæjarstjóra að leggja fyrir minnisblað um viðhaldsáætlun.

Bæjarráð þakkar samantektina og leggur til að svo stöddu að áfram verði unnið samkvæmt núverandi fyrirkomulagi í Leikskóla Fjallabyggðar en jafnframt leitað leiða til frekari sveigjanleikja og mæta þeim áhyggjum er fram koma hjá foreldrum varðandi opnunartíma, sérstaklega á föstudögum.

Bæjarráð samþykkir fyrirliggjandi tillögu á breytingu á samþykkt fyrir Ungmennaráð Fjallabyggðar sem og tillögu að breytingu á skipan í stýrihóp um heilsueflandi samfélag.

Bæjarráð staðfestir lokun bæjarskrifstofu samkvæmt tillögu frá 17.júlí til 4.ágúst n.k.

Bæjarráð samþykkir fyrirliggjandi tillögu að breytingu á gjaldskrá sem veitir bæjarstjórn heimild til sérstakra tímabundinna sérákvæða til stórnotenda og vísar tillögunni til afgreiðslu bæjarstjórnar.

Í ljósi fyrirliggjandi upplýsinga um fáar umsóknir í störf er tengjast hefðbundnum sumarstörfum, s.s. garðslætti og fleiru slíku, leggur bæjarráð áherslu á að íþróttafélögum og öðrum félagasamtökum verði gefinn kostur á að taka að sér umhirðu opinna svæða líkt og gert var síðasta sumar. Miðað við fjölda umsókna í þessi störf nú þá hefur Þjónustumiðstöð ekki tök á að sinna umhirðuverkefnum umfram þau er snúa beint að opnum svæðum í eigu Fjallabyggðar í báðum byggðakjörnum.

Bæjarráð gerir ekki athugasemd við umsóknina fyrir sitt leyti.

Bæjarráð felur bæjarstjóra og sviðsstjóra skipulags- og framkvæmdasviðs að vinna að uppfærslu á verkefnum Fjallabyggðar við uppbyggingu áfangastaða á svæðinu í samráði við skipulags- og umhverfisnefnd.

Bæjarráð lýsir vonbrigðum með þá stöðu sem virðist vera í þeim borunum fyrir heitt vatn sem gerðar voru á síðasta ári. Þá leggur bæjarráð ríka áherslu á að Norðurorka upplýsi reglulega um framvindu þeirra rannsókna sem fyrirhugaðar eru á svæðinu.

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar