Viðauki við fjárhagsáætlun 2026

Bæjarráð samþykkir fyrirliggjandi tillögu að viðauka við fjárfestingaáætlun 2026 að upphæð kr. 57.500.000 þar sem lögð er áhersla á hafnarsvæðin, gangstéttir og leiksvæði. Viðaukanum verður mætt með lækkun á handbæru fé.

Þá felur bæjarráð bæjarstjóra að leggja fram frekari greiningu á kostnaði og umfangi framkvæmda við hafnarsvæðið í Ólafsfirði á svæðinu fyrir neðan Kjörbúðina og leggja fyrir áætlun og kostnaðarmat.  

Bæjarstjórn samþykkir með 7 atkvæðum fyrirliggjandi tillögu að viðauka við fjárfestingaáætlun ársins 2026.

Bæjarráð samþykkir fyrirliggjandi tillögu að viðauka við fjárhagsáætlun. Mikilvægt er að ná að klára framkvæmdir við fyrri áfanga tjaldsvæðisins í Ólafsfirði á þessu ári þannig að það nýtist að fullu á næsta ári. Einnig er verið að bæta við fjármunum vegna löngu tímabæra endurbóta á veginum að sumarhúsabyggðinni á Saurbæjarási.

Fyrirliggjandi tillaga bæjarráðs að viðauka við fjárhagsáætlun fyrir árið 2026 samþykkt með 7 atkvæðum.

Bæjarráð samþykkir framlagða tilfærslu milli liða að fjárhæð 10 mkr vegna tjaldsvæðisins í Ólafsfirði. Hann er til kominn vegna þess að kaupa þurfti allar þökur en til stóð að nýta gras þar sem fyrirhugað knatthús mun rísa. Einnig voru lagðar lagnir til að bregðast við vatnssöfnun í miklum rigningum og að hægt sé að dæla vatni í gegnum þær lagnir og einnig var bætt við rafmagnstenglum.