Bæjarráð Fjallabyggðar

Í samstarfssamningi við Skíðafélag Ólafsfjarðar um rekstur og uppbyggingu skíðasvæðis í Tindaöxl sem samþykktur var í desember 2024 er gert ráð fyrir framkvæmdafé vegna Bárubrautar að upphæð 5 milljónir fyrir árið 2025.

Við gerð fjárhagsáætlunar 2025 var ekki gert ráð fyrir þessu framkvæmdafé.

Með fundarboði bæjarráðs fylgdi útfærður viðauki nr. 3 við fjárhagsáætlun 2025. Í viðaukanum er fjárfestingarammi Eignasjóðs aukinn um 5 milljónir vegna framkvæmda við skíðasvæðið í Ólafsfirði. Viðaukanum verður mætt með lækkun á handbæru fé.

Fyrir liggur staðfesting frá KF á tillögu um breytingu á "Stefnumótun og framtíðarsýn íþróttamála í Fjallabyggð 2023 - 2035". Staðfesting er send með tölvupósti þann 16. september og kemur þar fram að með breytingunum verði vikið frá framkvæmd á heilum gervigrasvelli og þess í stað ráðist í framkvæmd á knatthúsi að stærðinni 50x72m.

Tillaga að breytingu á stefnumótuninni er við lið 3, "Framtíðarsýn í uppbyggingu íþróttamannvirkja og aðstöðu til íþróttaiðkunar innanhúss og utan" og breytist forgangsröðun uppbyggingar þannig að liður 3.1. verði:

"Byggja upp góða heilsárs æfingaaðstöðu fyrir knattspyrnu í Ólafsfirði með byggingu knatthúss að stærðinni 50 x 72 m auk uppbyggingar á keppnisaðstöðu á núverandi grasvelli".

Jafnframt verði breyting á þá leið varðandi uppbyggingu knattspyrnumannvirkja í Ólafsfirði að markmiðið verði að "Knatthús að stærðinni 50 x 72 m verði byggt í Ólafsfirði fyrir ársbyrjun 2027".

Fyrir liggur samantekt frá lögmanni Fjallabyggðar á stöðu mála varðandi uppgjör og afhendingu íbúða við Vallarbraut á Siglufirði.

Fyrir liggur erindi frá lögreglustjóranum á Norðurlandi eystra um tilraunaverkefni embættisins um að taka upp fjarstýrða flugdróna til að auka viðbrögð lögreglu þar sem löggæsla er ekki mönnuð allan sólarhringinn. Óskað er eftir fjárframlagi 6 sveitarfélaga á svæðinu að upphæð kr. 2.500.000 frá hverju sveitarfélagi í verkefnið.

Fyrir liggur erindi frá félagi fósturforeldra þar sem óskað er eftir fjárstuðningi fyrir árið 2026.

Opnað hefur verið fyrir skráningu á Fjármálaráðstefnu sveitarfélaganna sem haldin verður á Hilton Reykjavík Nordica 2. og 3. október n.k.

Fyrir liggja upplýsingar um Íþróttaviku Evrópu 2025 og drög að dagskrá vikunnar í Fjallabyggð.

Með fundarboði bæjarráðs fylgdi yfirlit launakostnaðar fyrir janúar-ágúst 2025, lagt fram til kynningar. Áfallinn launakostnaður er 98,5%% af tímabilsáætlun.

Fyrir liggur vinnuskjal frá fundi hjá skipulags - og framkvæmdasviði.

Fyrir liggur fundargerð 75.fundar stjórnar SSNE.

Fyrir liggur fundargerð 2. fundar Velferðarnefndar Fjallabyggðar.