Bæjarráð Fjallabyggðar

Lagt fram minnisblað deildarstjóra tæknideildar vegna sameiningar á íbúðum í Skálarhlíð.

Ármann V. Sigurðsson deildarstjóri tæknideildar mætti á fund bæjarráðs og fór yfir stöðu framkvæmda og viðhalds á árinu. Einnig lagt fram minnisblað bæjarstjóra og deildarstjóra tæknideildar um viðhaldsþörf á Sundhöll Siglufjarðar.

Lagt fram tilboð EFLU í gerð útboðsgagna og ráðgjöf vegna breyttrar sorphirðu í Fjallabyggð.

Lagt fram til kynningar yfirlit staðgreiðslu fyrir febrúar 2023. Staðgreiðsla fyrir tímabilið nemur kr. 98.057.647,- eða 78,18% af tímabilsáætlun 2023. Íbúum sveitarfélagsins hefur fjölgað um einn á tímabilinu.

Lagt fram til kynningar yfirlit yfir launakostnað og kostnað vegna langtímaveikinda frá janúar til febrúar 2023.

Lagt fram yfirlit um aldursgreiningu innheimtukrafna, sundurliðað eftir viðskiptareikningum.

Árið 2021 var framkvæmd greining á samfélagsmiðlum Fjallabyggðar og í framhaldinu lagðar fram tillögur að frekari nýtingu þeirra og gerð samfélagsmiðlastefnu.
Markaðs- og menningarnefnd hefur yfirfarið tillögurnar og vísar drögum að Samfélagsmiðlastefnu Fjallabyggðar til umfjöllunar í bæjarráði.

Tekið fyrir mál er varðar viðbyggingarmöguleika við íþróttamiðstöðina við Hvanneyrarbraut.

Tekið fyrir mál er varðar deiliskipulagningu íbúðalóða.

Lagður fram tölvupóstur Eyþórs Bjarnasonar, forstjóra Norðurorku, er varðar úrvinnslu þeirra gagna sem aflað hefur verið í borunum í Ólafsfirði ásamt upplýsingum um áform Norðurorku um frekari rannsóknir á svæðinu við Reyki.

Lagt fram minnisblað bæjarstjóra, deildarstjóra tæknideildar og deildarstjóra stjórnsýslu og fjármála um húsnæðismál Þjónustumiðstöðvar Fjallabyggðar.

Samband íslenskra sveitarfélaga stendur fyrir námskeiði fyrir aðal- og varamenn í sveitarstjórnum landsins og ætlar að halda vinnustofu á Akureyri þriðjudaginn 11. apríl næstkomandi kl. 10-16.

Lögð fram auglýsing um norræna ráðstefnu um loftslagsbreytingar og aðlögun sem fram fer í Reykjavík í apríl. Áherslan í ár verður á hvernig sveitarfélög gera sig undirbúin undir áhrif og afleiðingar loftslagsbreytinga. Meðal annars verður fjallað um skipulagsgerð með tilliti til áhrifa loftslagsbreytinga, hvaða leiðir er hægt að fara til þess að undirbúa samfélög undir afleiðingar loftslagsbreytinga, áskoranir tengdar hækkandi sjávarstöðu og náttúrumiðaðar lausnir.

Lagður fram dreifipóstur um fyrirhugaða vettvangs- og fræðsluferð til Noregs 25-28 apríl næstkomandi um hagnýtingu vinds. Ferðin er skipulögð af hálfu sendiráðs Íslands í Noregi í samstarfi við þarlenda aðila og Grænvang. Markmið ferðarinnar er að veita innsýn í vindorkumál í Noregi og varpa ljósi á ólík viðfangsefni allt frá stefnumótun og löggjöf til innleiðingar og reksturs frá sjónarhorni ólíkra hagaðila.

Allsherjar- og menntamálanefnd Alþingis sendir til umsagnar tillögu til þingsályktunar um upplýsingamiðlun um heimilisofbeldismál, 126. mál. Nefndin sendir einnig til umsagnar frumvarp til laga um grunnskóla (framlög til sjálfstætt rekinna grunnskóla) 128. mál, frumvarp til laga um brottfall laga um orlof húsmæðra, nr. 53/1972, með síðari breytingum, 165. mál og tillögu til þingsályktunar um aðgerðaráætlun gegn hatursorðræðu fyrir árin 2023-2026, 795. mál. Þess er óskað að undirritaðar umsagnir berist eigi síðar en 23. mars nk.

Velferðarnefnd Alþingis sendir til umsagnar frumvarp til laga um breytingu á lögum um málefni innflytjenda og lögum um vinnumarkaðsaðgerðir (sameining Vinnumálastofnunar og Fjölmenningarseturs, þjónustustöðvar), 782. mál. Þess er óskað að undirrituð umsögn berist eigi síðar en 17. mars nk

Fundargerðir 46., 47., 48. og 49. fundar stjórnar SSNE lagðar fram til kynningar.

Fundargerð stjórnarfundar Leyningsáss frá 3. mars 2023 lögð fram til kynningar.

Fundargerð 122. fundar fræðslu- og frístundanefndar lögð fram til kynningar.