Bæjarráð Fjallabyggðar

Lögð fram drög að þjónustusamningi til eins árs við Fjallasali ses. um varðveislu, viðhald og aðgengi að náttúrugripasafni sveitarfélagsins í Pálshúsi. Í samningsdrögum kemur fram að sveitarfélagið greiði kr. 800.000 fyrir varðveislu, umhirðu og að safnið skuli vera aðgengilegt almenningi til skoðunar yfir sumartímann með auglýstum opnunartíma og að vetri eftir samkomulagi eftir því sem við verður komið. einnig kemur fram í samningsdrögum að íbúar með lögheimili í Fjallabyggð skuli fá gjaldfrjálsan aðgang að sýningarrými náttúrugripasafnsins svo fremi að ekki standi yfir aðrar sýningar í húsinu, þá er Pálshúsi heimilt að innheimta aðgangseyri af öllum gestum hússins.

Lagt fram til kynningar yfirlit yfir launakostnað og kostnað vegna langtímaveikinda vegna janúar til mars 2022.

Lögð fram drög að þjónustusamningi til eins árs milli sveitarfélagsins og Knattspyrnufélags Fjallabyggðar (KF) um rekstur knattspyrnuvalla ásamt fylgiskjölum. Í samningsdrögum kemur fram að sveitarfélagið greiði KF kr. 6.600.000 fyrir skilgreinda umhirðu knattspyrnuvalla og knattspyrnuhúss. Einnig er tíundað í samningsdrögum hvaða búnað sveitarfélagið leggur til og hverjar skyldur þess eru varðandi íþróttasvæði og hús.

Lagt fram minnisblað deildarstjóra tæknideildar dags. 12. apríl 2022 er varðar mat á viðhaldsþörf utanhúss á Skálarhlíð og áætluðum kostnaði. Minnisblaðið er unnið að tillögu formanns bæjarráðs þar um á 736. fundi bæjarráðs. Í minnisblaðinu kemur fram að umtalsverð þörf sé á viðhaldi eignarinnar og að áætlaður kostnaður vegna þess sé tæpar 40 millj.kr.

Lögð fram frumdrög að hönnun og frumkostnaðaráætlun dags. 12. apríl 2022, vegna viðbyggingar við grunnskólann í Ólafsfirði. Drögin eru unnin í framhaldi af því að bæjarráð fól bæjarstjóra á 735. fundi ráðsins, að hafa forgöngu um nánari útfærslu og kostnaðarmat í tengslum við greiningu á möguleikum til að flytja 5. bekk grunnskólans yfir í starfsstöð skólans í Ólafsfirði. Fram kemur í frumkostnaðarmati að áætlaður byggingakostnaður viðbyggingar sé á bilinu 154 til 176 millj.kr.

Lagt er fram vinnuskjal deildarstjóra tæknideildar dags. 19. apríl 2022, er varðar ósk um heimild til útboðs á verkefnum sem snúa að umferðaröryggi við leikskóla. Um er að ræða tvö aðskilin verkefni sem eru til þess ætluð að draga úr umferðarhraða og auka umferðaröryggi við leikskóla Fjallabyggðar.

Lagt fram fundarboð stjórnar Stapa lífeyrissjóðs vegna rafræns fulltrúaráðsfundar sjóðsins 4. maí 2022, í samræmi við grein 3.7 í samþykktum. Fulltrúaráð er skipað þeim sem tilnefndir voru á ársfundi sjóðsins þann 5. maí 2021.

Lagt fram erindi Knattspyrnufélags Fjallabyggðar (KF) dags. 28. mars 2022, er varðar ósk félagsins um þátttöku sveitarfélagsins í kostnaði sem til fellur vegna æfinga meistaraflokks utan sveitarfélagsins.

Lagt fram erindi hestamannafélagsins Glæsis dags. 7. apríl 2022, er varðar ósk félagsins um styrk í formi vinnuframlags tveggja unglinga úr vinnuskóla til að aðstoða á fyrirhuguðu hestanámskeiði sem halda á í júní. Um er að ræða tveggja vikna tímabil 3,5 klst. á dag eða samtals 70 klst. Einnig lagt fram vinnuskjal deildarstjóra fræðslu-, frístunda- og menningarmála vegna málsins.

Lagt fram erindi 10 útgerðaraðila smábáta dags. 5. apríl 2022, er varðar ósk þeirra um stuðning sveitarfélagsins við ósk þeirra um afnám vinnsluskyldu vegna byggðakvóta á yfirstandandi ári. Fram kemur í erindinu að ástæður beiðni séu að nú séu einungis tvær vinnslur í sveitarfélaginu og að önnur þeirra treysti sér ekki til að greiða verðlagsverð en hin kjósi helst að vinna þorsk undir 2 kg. Bestu lausnina á þeim vanda sem bréfritarar segja uppi, telja þeir vera að vinnsluskylda verði afnumin og vísa þar til fordæma s.s. í Skagafirði og á Skagaströnd.

Lagt fram erindi Steinunnar Jónsdóttur f.h. ríkisskattstjóra, dags. 07.04.2022 þar sem óskað er eftir staðfestingu á útsvarshlutfalli við álagningu 2022 vegna tekna á árinu 2021.

Lagt fram erindi frá Sýslumanninum á Norðurlandi eystra, dags. 8. mars 2022 þar sem óskað er umsagnar sveitarfélagsins vegna umsóknar Veraldrar bókaútgáfu vegna Norðurgötu 9, Siglufirði um rekstrarleyfi gistingar flokkur II-C.

Lögð fram til kynningar 24. og 25. tölublað fréttabréfs SSNE

Lagt fram til kynningar erindi velferðarnefndar Alþingis dags. 11. apríl 2022 er varðar umsögn um frumvarp til laga um aðbúnað, hollustuhætti og öryggi á vinnustöðum (vinnutími starfsmanna sem veita notendastýrða persónulega aðstoð), 590. mál.

Lögð fram til kynningar skýrsla Flugklasans um Air 66N um starf klasans á tímabilinu 27 október 2021 til 8. apríl 2022

Lögð fram til kynningar fundargerð stjórnar Markaðsstofu Norðurlands dags. 4. apríl 2022.

Lögð fram til kynningar fundargerð stjórnar Síldarminjasafnsins dags. 4. apríl 2022