Málefni Leyningsáss ses

Bæjarráð þakkar bæjarstjóra fyrir yfirferðina og felur henni að kalla eftir gögnum og upplýsingum í samræmi við umræður á fundinum.

Lagt fram til kynningar.

Sveitarfélagið Fjallabyggð er skuldbundið skv. 18. gr. stofnsamþykka Leyningsáss ses., þ.e. að komi til slita félagsins þá skuli hrein eign sjálfseignarstofnunarinnar renna til sveitarfélagsins. Bæjarstjóra er því falið að vinna með stjórn félagsins að úrvinnslu útistandandi mála í samræmi við framlagt vinnuskjal stjórnar félagsins frá 13.05.2025 með það að markmiði að sjálfseignarstofnuninni verði slitið formlega eins fljótt og mögulegt er.

Samþykkt með 7 atkvæðum

Bæjarráð felur bæjarstjóra að taka málið áfram í samræmi við þau gögn sem liggja fyrir varðandi skuldir og eignir Leyningsáss og ganga frá staðfestingu við sjálfseignastofnun á yfirtöku hreinna eigna þegar félagið verður lagt niður.

Lagt fram til kynningar

Bæjarráð felur bæjarstjóra að vinna málið áfram í samræmi við reglur sem gilda um slit sjálfseignarstofnana.

Fyrirliggjandi tillaga gerir ráð fyrir uppgjöri á útistandandi skuldum Leyningsáss að upphæð ríflega 6 milljónum króna, að stórum hluta eldri skuld vegna gámaleigu á svæðinu.

Bæjarráð samþykkir fyrirliggjandi tillögu að uppgjöri og felur bæjarstjóra að ganga frá uppgjörinu að höfðu samráði við lögmann Fjallabyggðar.

Bæjarráð samþykkir að Fjallabyggð yfirtaki eignir, skuldbindingar og réttindi skv. gildandi samningum sem fram koma í uppgjöri skilanefndar í samræmi við samþykktir Leyningsáss frá 20.maí 2012. Bæjarráð felur bæjarstjóra að loka málinu í samráði við skilanefnd.

Þar sem slitum á félaginu er nú lokið felur bæjarráð bæjarstjóra að uppfæra eignalista Fjallabyggðar í samráði við endurskoðendur og gera tillögu að viðauka við fjárhagsáætlun fyrir árið 2026 í samræmi við þá eignabreytingu.

Til máls tóku S.Guðrún Hauksdóttir, Guðjón M. Ólafsson og Helgi Jóhannsson.

Fulltrúar D-lista lögðu fram eftirfarandi bókun:

“Á fundi bæjarstjórnar Fjallabyggðar þann 26. febrúar s.l. lögðu fulltrúar A-lista fram bókun í tengslum við lið 1 í fundargerð bæjarráðs frá 2.febrúar er varðaði málefni Leyningsáss ses. Bæjarfulltrúum er almennt heimilt að leggja fram bókanir í bæjarstjórn án þess að einstakir fulltrúar annarra framboða taki sérstaklega afstöðu til slíkra bókana.
Bókunin er lögð fram af bæjarfulltrúum A-lista og tóku fulltrúar D-lista í bæjarstjórn ekki undir bókunina þá og hefur sú afstaða ekki breyst.“

Fulltrúar A-lista lögðu fram eftirfarandi bókun:

„Bókun A-lista á fundi bæjarstjórnar Fjallabyggðar þann 26.febrúar s.l. í tengslum við málefni Leyningsáss ses er ætlað að varpa ljósi á þá stöðu er upp var komin í málefnum skíðasvæðisins í Skarðsdal á Siglufirði og þar með uppfylla væntingar um upplýsingagjöf til bæjarbúa, sérstaklega er varðar fjárveitingar er ekki var gert ráð fyrir í upphaflegum fjárfestingaáætlun síðustu ára.
Bæjarfulltrúar A-lista telja það skyldu sína að upplýsa um slíka stöðu og meta þau gögn sem fyrir liggja með þeim hætti er fram koma í umræddri bókun. Íbúar og aðrir aðilar geta að sjálfsögðu haft aðrar skoðanir eða mismunandi túlkanir á þeim gögnum og er þeim frjálst að koma þeim skoðunum sínum og túlkunum á framfæri. Að sama skapi er bæjarfulltrúum frjálst að bóka um tiltekin málefni eftir bestu samvisku og þeim upplýsingum er fyrir liggja líkt og fulltrúar A-lista hafa þegar gert.“

Fulltrúar H-lista óska eftir fundarhléi kl 18:49 og var fundi haldið áfram kl. 18:58.

Fulltrúar H-lista lögðu fram eftirfarandi bókun:

"Sú bókun frá A - listanum sem málið snýst um hér er að okkar áliti fín yfirferð yfir endalok Leyningsáss þó alltaf megi deila um orðanotkun"