Bæjarráð Fjallabyggðar

Fyrirliggjandi tillaga gerir ráð fyrir uppgjöri á útistandandi skuldum Leyningsáss að upphæð ríflega 6 milljónum króna, að stórum hluta eldri skuld vegna gámaleigu á svæðinu.

Bæjarráð samþykkir fyrirliggjandi tillögu að uppgjöri og felur bæjarstjóra að ganga frá uppgjörinu að höfðu samráði við lögmann Fjallabyggðar.

Bæjarstjóri fór yfir samantekt á rekstrarstöðu fræðslumála í samanburði við áætlun málaflokksins fyrir árið 2025 og skýrði út frávik. Bæjarráð felur bæjarstjóra að skila inn á næsta fund bæjarráðs samantekt á fleiri málaflokkum, greina frá stöðu í samanburði við fjárhagsáætlun og leggja til drög að breytingatillögum ef þörf er á.

Bæjarráð samþykkir framlagðan viðauka nr. 1/2025 við fjárhagsáætlun 2025 að fjárhæð kr. 48.087.011 vegna fjárfestinga og framkvæmda. Hækkuninni verður mætt með lækkun á handbæru fé.

Bæjarráð leggur áherslu á að fá upplýsingar um framvindu mála þegar þær liggja fyrir og felur bæjarstjóra að óska eftir upplýsingafundi með fulltrúum Norðurorku sem fyrst.

Þrátt fyrir snjóaleysi og erfiðar aðstæður á svæðinu þá var rekstur svæðisins með miklum ágætum í vetur þá daga sem opið var og er rekstraraðila þakkað fyrir veturinn. Fjárhagsleg niðurstaða rekstursins er um 3 milljónum yfir áætlun ársins og skýrist það fyrst og fremst vegna fárra opnunardaga vegna aðstæðna. Bæjarráð felur bæjarstjóra að kanna möguleika á áframhaldandi samstarfi við sama rekstraraðila í samræmi við heimild í núgildandi rekstrarsamningi.

Bæjarráð staðfestir fyrirliggjandi samning við Stangveiðifélag Siglufjarðar með lítilsháttar breytingum er varða söfnun upplýsinga um veiði í Hólsá en samningurinn, sem er til 1.október 2028, gerir ekki ráð fyrir neinum fjárhagslegum skuldbindingum til félagsins á fyrsta ári og verður það ákvæði tekið til endurskoðunar við gerð fjárhagsáætlunar fyrir árið 2026.

Lagt fram til kynningar.

Lagt fram til kynningar.

Lagt fram til kynningar.