Bæjarráð Fjallabyggðar

Tilboð í endurbætur á þaki sundlaugarinnar á Siglufirði voru opnuð þriðjudaginn 27.maí. Eitt tilboð barst í verkið og kom það frá K16 ehf. að upphæð kr. 156.541.600 en kostnaðaráætlun verksins er kr. 129.594.815. Tilboðið er því um 21% yfir kostnaðaráætlun. Jafnframt liggur fyrir tillaga að tilfærslu innan áætlaðra framkvæmda við sundlaugina.

Fyrir liggur erindi frá Herhúsfélaginu um niðurfellingu fasteignagjalda af húseigninni Tjarnargötu 8 á Siglufirði, Gránufélagshússins, í ljósi þröngrar stöðu Herhússfélagsins. Ætlunin er að endurbyggja húsið og liggja fyrir teikningar af fyrirhugaðri framkvæmd.

Fyrir liggur erindi frá félagi kraftamanna þar sem tilkynnt er að Víkingurinn 2025 fari fram í Árneshreppi, Reykhólahreppi, Súðarvíkurhreppi og Þingeyri en þess óskað að sé áhugi fyrir að taka þátt í Víkingnum 2026 verði það staðfest af Fjallabyggð.

Bæjarstjóri greindi frá því að unnið er að því að klára ýmis mál er varða fyrirhuguð slit á sjálfseignastofnuninni Leyningsáss. Áfram verður unnið með málið í samráði við stjórn stofnunarinnar og bæjarráð upplýst um framgang.

Bæjarstjóri greindi frá fundi er haldinn var með sóknarnefnd Ólafsfjarðar. Starfsmenn framkvæmda - og skipulagssviðs munu óska upplýsinga frá hönnuði um kostnað vegna hönnunar á fyrsta áfanga nýs kirkjugarðs auk þess að vinna að innköllun hluta lóðar. Áætlað er að funda aftur með sóknarnefnd þegar frekari upplýsingar liggja fyrir.

Fyrir liggja vinnuskjöl stöðufunda 20 og 21.

Fyrir liggja drög að umsögn SSNE vegna kerfisáætlunar Landsnets.

Fundargerð 152. fundur Fræðslu- og frístundanefndar Fjallabyggðar lögð fram til kynningar.