Umsókn um heimild til gerðar breytingartillögu á deiluskipulagi Leirutanga

Lagt fram erindi Magnúsar Tómassonar f.h. Bás ehf., dagsett 8. júlí 2021 þar sem óskað er eftir heimild til gerðar breytingartillögu á deiliskipulagi Leirutanga, nánar tiltekið fyrir lóðina Egilstanga 1 þar sem starfsemi Bás ehf. er í dag. Samhliða deiliskipulagsbreytingunni er þörf á breytingu aðalskipulags fyrir lóðina. Í breytingartillögunni yrði áfram gert ráð fyrir núverandi starfsemi á stækkaðri lóð Egilstanga 1 með kvöð um aðgengi að jarðlögnum sveitarfélagsins og mótvægisaðgerðum vegna ásýndar og ytri áhrifum starfseminnar gagnvart útivistarsvæði, griðlandi fugla og tjaldsvæði.

Lögð fram tillaga frá Bás ehf. um breytingu á deiliskipulagi Leirutanga. Svæðið sem breytingin nær til er norðaustast á Leirutanga, þar eru iðnaðarlóðirnar Egilstangi 1 (L142476) og Egilstangi 5 (L174871.) Breytingin felst m.a. í lóðarstækkun þar sem Egilstangi 1 stækkar úr 2205 m² í 7911 m², tilfærslu á götu, bílastæðum og gönguleið. Gert er ráð fyrir að jarðvegsmön verði komið fyrir á norður og vestur lóðarmörkum Egilstanga 1. Breytingin kallar einnig á breytingu á aðalskipulagi.

Lögð fram að nýju deiliskipulagstillaga fyrir Leirutanga. Svæðið sem breytingin nær til er norðaustast á Leirutanga, þar eru iðnaðarlóðirnar Egilstangi 1 (L142476) og Egilstangi 5 (L174871.) Breytingin felst m.a. í lóðarstækkun þar sem Egilstangi 1 stækkar úr 2205 m² í 7911 m², tilfærslu á götu, bílastæðum og gönguleið. Gert er ráð fyrir að jarðvegsmön verði komið fyrir á norður og vestur lóðarmörkum Egilstanga 1 og gróðurbelti verður komið fyrir sunnan megin.

Lögð fram skipulagslýsing vegna vinnu við breytingu á deiliskipulagi Leirutanga, Siglufirði. Deiliskipulagsbreytingin er unnin af Stoð Verkfræðistofu f.h. Bás ehf. Svæðið sem breytingin nær til er norðaustast á Leirutanga þar sem lóðinar Egilstangi 1 og Egilstangi 5 standa.

Niðurstaða færð í trúnaðarbók.

Niðurstaða færð í trúnaðarbók.

Deiliskipulag á Leirutanga lagt fyrir að nýju að beiðni Bás ehf.

Á fundi sínum þann 20.ágúst s.l. bókaði Skipulags - og umhverfisnefnd Fjallabyggðar eftirfarandi vegna tillögu Báss ehf. um breytingu á deiliskipulagi Leirutanga.

"Nefndin stendur við fyrri afstöðu sína um að starfsemi Báss ehf. á Leirutanga verði fest í sessi á svæði, að beiðni fyrirtækisins. Hugmyndir fyrirtækisins um afmörkun athafnasvæðis með mönum og gróðri falla vel að fyrri stefnu bæjarstjórnar um þróun svæðisins. Nefndin óskar eftir afstöðu bæjarstjórnar til hvort að:
1) Beiðni Báss ehf. verði hafnað.
2) Skipulagsferlið verði hafið að nýju, með auglýsingu skipulagslýsingar og samhliða breytingu á aðalskipulagi.
3) Skipulagstillaga Báss ehf. verði tekin inn í heildarendurskoðun deiliskipulags svæðisins með samhliða breytingum á aðalskipulagi, ef þörf krefur."