Skipulags- og umhverfisnefnd Fjallabyggðar

Lögð fram fyrirspurn Ásgríms Gunnars Júlíussonar f.h. JE Vélaverkstæðis ehf. þar sem óskað er eftir áliti nefndarinnar á fyrirhugaðri viðbyggingu undir bátasmiðju við Gránugötu 13 skv. meðfylgjandi teikningum áður en ráðist verður í fullnaðarteikningar.

Lögð fram fyrirspurn Róberts Guðfinnssonar f.h. Selvíkur ehf. þar sem óskað er eftir afstöðu nefndarinnar til hugmynda um frístundabyggð við veginn upp í Skarðsdal og við veginn neðan golfskála.

Lagt fram erindi Magnúsar Tómassonar f.h. Bás ehf., dagsett 8. júlí 2021 þar sem óskað er eftir heimild til gerðar breytingartillögu á deiliskipulagi Leirutanga, nánar tiltekið fyrir lóðina Egilstanga 1 þar sem starfsemi Bás ehf. er í dag. Samhliða deiliskipulagsbreytingunni er þörf á breytingu aðalskipulags fyrir lóðina. Í breytingartillögunni yrði áfram gert ráð fyrir núverandi starfsemi á stækkaðri lóð Egilstanga 1 með kvöð um aðgengi að jarðlögnum sveitarfélagsins og mótvægisaðgerðum vegna ásýndar og ytri áhrifum starfseminnar gagnvart útivistarsvæði, griðlandi fugla og tjaldsvæði.

Lagt fram að nýju erindi Róberts Guðfinnssonar f.h. Selvíkur ehf. vegna fyrirhugaðra breytinga á útliti og starfsemi Gránugötu 15B. Nefndin vísaði erindinu til hafnarstjórnar áður en lengra yrði haldið. Hafnarstjórn tók vel í erindið og benti á mikilvægi þess að vinna deiliskipulag af svæðinu með þeim hætti að líkur á núningi milli ólíkrar starfsemi verði lágmarkaðar.

Lögð fram umsókn um byggingarleyfi dagsett 18. júlí 2021 þar sem Björn Sigurðsson sækir um leyfi fyrir byggingu einbýlishúss við Bakkabyggð nr.2, Ólafsfirði í samræmi við meðfylgjandi teikningar.

Lögð fram umsókn um byggingarleyfi dagsett 19. júlí 2021 þar sem Kristján Eldjárn Hjartarson sækir um leyfi fyrir hönd Þóris K. Þórissonar fyrir skráningu smáhýsa á lóðinni Hlíðarvegi 1 á Siglufirði skv. meðfylgjandi aðaluppdráttum og skráningartöflu.

Lögð fram umsókn Kristjönu Baldursdóttur og Kára Eðvarðssonar um endurnýjun lóðarleigusamnings við Grjótagötu 3 í frístundabyggðinni við Reyki í Ólafsfirði. Einnig lögð fram drög að lóðarblaði sem verður fylgiskjal nýs samnings.

Lögð fram umsókn Þóris K. Þórissonar og Erlu Bjartmarz um endurnýjun lóðarleigusamnings við Hlíðarveg 1 á Siglufirði. Einnig lögð fram drög að lóðarblaði sem verður fylgiskjal nýs samnings.

Lögð fram umsókn húseigenda við Laugarveg 14 á Siglufirði um endurnýjun lóðarleigusamnings. Einnig lögð fram drög að lóðarblaði sem verður fylgiskjal nýs samnings.

Lagður fram tölvupóstur frá Guðmundi Sigurðssyni f.h. Gbess ehf. þar sem skilað er inn lóðinni við Gránugötu 12 á Siglufirði. Einnig lögð fram drög að samkomulagi um skil á lóðinni.

Lögð fram umsögn slökkviliðsstjóra vegna ábendingar frá Haraldi Björnssyni þann 30. nóvember sl. um staðsetningu brunahana við skipulagt fjárhúsahverfi á Siglufirði.

Lagt fram erindi íbúa við Laugarveg 32 þar sem óskað er eftir því að aspir sem staðsettar eru á milli lóðarmarka Laugarvegar 30 og 32 verði fjarlægðar.

Lagt fram erindi Marteins B. Haraldssonar þar sem óskað er eftir því að Vetrarbraut á Siglufirði verði lokuð laugardaginn 31. júlí nk. frá Gistiheimilinu Hvanneyri og norður að næstu gatnamótum vegna viðburðar við Segul 67.

Lögð fram endurskoðuð samþykkt búfjárhalds í Fjallabyggð.

Lögð fram til kynningar afgreiðsla Úrskurðarnefndar umhverfis- og auðlindamála vegna beiðni um endurupptöku kærumáls nr. 12/2021.