Samningur við Skógræktarfélag Ólafsfjarðar

Lagt fram erindi Skógræktarfélags Ólafsfjarðar, dags. 08.05.2019 þar sem lögð eru fram drög að samningi um land norðan Brimnesár að Hlíð undir uppgræðslu landgræðsluskógs í Ólafsfirði.

Bæjarráð samþykkir að vísa erindinu til skipulags- og umhverfisnefndar Fjallabyggðar til úrvinnslu og umsagnar.

Erindi frestað. Óskað eftir umsögn tæknideildar.

Tæknideild falið að kortleggja það svæði þar sem fyrirhugað skógræktarsvæði samræmist aðal- og deiliskipulagi sveitarfélagsins.

Tæknideild falið að lagfæra uppdrátt í samræmi við athugasemdir nefndarmanna og lagt til við bæjarráð að þetta verði fylgiskjal samningsins verði hann samþykktur.

Bæjarráð samþykkir að fresta málinu.

Á 622. fundi bæjarráðs frestaði ráðið afgreiðslu málsins.
Lagt fram erindi Önnu Maríu Guðlaugsdóttur fh. Skógræktarfélags Ólafsfjarðar, dags. 09.02.2020 þar sem óskað er eftir samningi við Fjallabyggð um uppgræðslu landgræðsluskógs norðan Brimnesár að Hlíð ásamt samningi við Skógræktarfélag Íslands og uppfærðum hnitsettum uppdrætti tæknideildar þar sem tekið er tillit til aðal- og deiliskipulags og einkalóða á svæðinu sem skipulags- og umhverfisnefnd lagði til að yrði fylgiskjal samnings.

Bæjarráð samþykkir að fela bæjarstjóra og deildarstjóra tæknideildar að vinna málið áfram og leggja fyrir bæjarráð.

Lögð fram drög að samningi um ræktun landgræðsluskóga við Skógræktarfélag Ólafsfjarðar og Skógræktarfélag Íslands ásamt hnitum.

Bæjarráð samþykkir drögin og felur bæjarstjóra að undirrita samningin fyrir hönd sveitarfélagsins og vísar honum til kynningar í skipulags- og umhverfisnefnd.

Lagt fram til kynningar

Bæjarráð þakkar deildarstjóra og bæjarstjóra fyrir greinargerðina um málið.