Fyrirspurn til skipulags- og byggingarfulltrúa - vegna JE Vélaverkstæðis

Lögð fram fyrirspurn Ásgríms Gunnars Júlíussonar f.h. JE Vélaverkstæðis ehf. þar sem óskað er eftir áliti nefndarinnar á fyrirhugaðri viðbyggingu undir bátasmiðju við Gránugötu 13 skv. meðfylgjandi teikningum áður en ráðist verður í fullnaðarteikningar.

Skipulags- og umhverfisnefnd hefur efnt til grenndarkynningar vegna fyrirhugaðrar byggingar við Gránugötu 5, Siglufirði, óskar nefndin eftir umsögn Hafnarstjórnar Fjallabyggðarhafna vegna málsins.

Lagðar fram athugasemdir sem bárust vegna grenndarkynningar á fyrirspurn JE vélaverkstæðis um nýbyggingu við Gránugötu 13.

Lögð fram umsögn Ívars Pálssonar lögmanns á þeim athugasemdum sem bárust á auglýsingartíma grenndarkynningar. Í framlagðri umsögn kemur fram að heimilt sé, skv. 1. mgr. 44. gr. skipulagslaga, nr. 123 frá 2010, þegar sótt er um byggingar- eða framkvæmdaleyfi fyrir framkvæmd sem er í samræmi við aðalskipulag en deiliskipulag liggur ekki fyrir, að veita byggingarleyfi án deiliskipulagsgerðar ef framkvæmdin er í samræmi við landnotkun, byggðamynstur og þéttleika byggðar. Skal þá áður grenndarkynna slíka framkvæmd. Þessi heimild er undatekning frá reglunni um skiplagsskyldu og hefur því verið túlkuð þröngt með hliðsjón af meginreglunni.