Markaðs- og menningarnefnd Fjallabyggðar

Fyrir liggur rammaáætlun fyrir rekstraráætlun markaðs - og menningarmála eins og áætlunin var samþykkt í fyrri umræðu í bæjarstjórn Fjallabyggðar.

Fyrir liggur tilkynning frá Markaðsstofu Norðurlands um "Mannamót, Markaðsstofu Landshlutanna" sem haldið verður í Kórnum í Kópavogi fimmtudaginn 15. janúar 2026. Mannamót er fjölmennasti viðburðurinn í íslenskri ferðaþjónustu og er tilgangurinn að kynna landsbyggðarfyrirtæki fyrir ferðaþjónustufólki. Aðeins samstarfsfyrirtækjum Markaðsstofu landshlutanna gefst kostur á að skrá sig á Mannamót til að sýna og kynna sitt fyrirtæki.

Fyrir liggur kynning á hugmyndum um stofnun á Ferðaklasa Fjallabyggðar en erindið er til umræðu í bæjarráði Fjallabyggðar.

Fyrir liggur erindi frá Sóta Summits þar sem kynntar eru rekstrarhugmyndir að Upplýsingamiðstöð Fjallabyggðar en erindið er til umfjöllunar í bæjarráði Fjallabyggðar.

Farið var yfir gestafjölda og gistináttafjölda á tjaldsvæðunum á Siglufirði og Ólafsfirði í sumar. Reksturinn gekk almennt vel á báðum stöðum og góð nýting á tjaldsvæðunum, sérstaklega í júlí og ágúst. Í vinnslu er að gera bragarbót á tjaldsvæðinu á Ólafsfirði sem drenar illa í rigningum og er svæðið nú í hönnunarferli. Á tjaldsvæðinu á Siglufirði komu upp mál er snérust að afar slæmri umgengni og jafnvel skemmdum á eignum sem og ónæði frá unglingum sem ekki voru gestir á svæðinu en á því var tekið af rekstraraðilum.