Ferðaklasi Fjallabyggðar

Fyrir liggur erindi frá þremur aðilum f.h. Hvanndala Lodge, Hótel Sigluness og Sóta Summits, þar sem óskað er eftir stofn - og rekstrarstyrk í sameiginlegan vettvang ferðaþjónustuaðila, Fjallabyggðar og annarra hagsmunaaðila í formi Ferðaklasa Fjallabyggðar sem ætlað væri að efla samstarf og samhæfingu ferðaþjónstuaðila og annarra aðila á svæðinu.

Fulltrúar óstofnaðs félags um Ferðaklasa Fjallabyggðar, Ólöf Ýrr Atladóttir frá Sóta Summit og Eva Steinþórsdóttir frá Hótel Siglunesi, mættu á fund bæjarráðs og fóru yfir helstu hugmyndir er fram koma í umsókn til Fjallabyggðar um fjárhagslegan stuðning við verkefnið.

Fyrir liggur kynning á hugmyndum um stofnun á Ferðaklasa Fjallabyggðar en erindið er til umræðu í bæjarráði Fjallabyggðar.

Fyrir liggur tillaga að samstarfssamningi við óstofnað félag um Ferðaklasa Fjallabyggðar sem hefði það hlutverk að efla samstarf og samhæfingu ferðaþjónustuaðila og annarra hagsmunaaðila í Fjallabyggð með það að markmiði að kynna svæðið sem fjölbreyttan, áhugaverðan og spennandi áfangastað ferðamanna allt árið.

Fyrir liggja uppfærð samningsdrög við Ferðaklasa Fjallabyggðar ásamt drögum að samþykktum félagsins sem áætlað er að stofna fyrir lok febrúar 2026. Jafnframt liggur fyrir álit lögmanns Fjallabyggðar.