Fræðslu- og frístundanefnd Fjallabyggðar

Skarphéðinn fór yfir aðsóknartölur sem litast af því að íþróttahúsið og sundlaugin á Siglufirði hafa verið lokuð frá lok júní vegna viðgerða. Talsverð aukning hefur verið í aðsókn á Ólafsfirði en heildarfækkun samanlagt miðað við árið í fyrra er 15,2%.

Skarphéðinn fór yfir samkomulag sem gert var við Dalvíkurbyggð um aðgang að sundlaugum beggja staða.

Skarphéðinn fór yfir stöðuna á framkvæmdum og almennu viðhaldi í íþróttahúsunum það sem af er ári. Gert er ráð fyrir að framkvæmdum í sundlauginni á Siglufirði ljúki í október. Skipt hefur verið um dúk á þaki íþróttahúss í Ólafsfirði. Ýmislegt annað hefur verið gert en ljóst er að mörg stór verkefni eru framundan í báðum húsum.

Ekki hefur gengið nægjanlega vel að manna frístund og lengda viðveru sem hefur orðið til þess að ekki hefur verið hægt að bjóða 3.-4. bekk að taka þátt. Nú er verið að auglýsa aftur eftir starfsfólki sem vonandi ber árangur.

Búið er að ráða starfsfólk í Neon í vetur, Karen Sif Róbertsdóttir er umsjónarmaður. Starfsemin hefst 17. september.

Nefndin samþykkir fyrir sitt leyti fyrirliggjandi drög og vísar til afgreiðslu bæjarstjórnar.

Fimmtán nemendur og fimm kennarar frá Finnlandi og Svíþjóð eru að koma til Fjallabyggðar í heimsókn í næstu viku og er það lokahluti Nordplus verkefnis Grunnskóla Fjallabyggðar.

Nefndarmenn samþykkja að farið verði í samstarf við MTR um íslenskunám innflytjenda.