Bæjarráð Fjallabyggðar

Lagt fram bréf frá formanni stéttarfélagsins Einingu - Iðju dagsett 8. nóvember 2013.
Í bréfinu er óskað eftir upplýsingum um hvort áætlað sé að hækka gjaldskrár í fjárhagsáætlun 2014.

Bæjarráð mun taka til umfjöllunar ákvörðun sína um gjaldskrárhækkanir á næsta fundi bæjarráðs þann 26.11.2013.

Í erindi forstjóri Mannvirkjastofnunar dagsett 30. október 2013, er lögð áhersla á að sveitarfélög efli starfsemi byggingarfulltrúa með því að koma upp virku gæðastjórnunarkerfi.
Í lögum er lagt til að slík kerfi séu tekin upp fyrir 1. janúar 2015.

Samkvæmt upplýsingum deildarstjóra tæknideildar munu byggingarfulltrúaembætti landsins stefna að sameiginlegri innleiðingu gæðakerfis 2014 og þar með á sem hagkvæmastan hátt.

Bæjarráð óskar eftir upplýsingum um kostnað við að taka upp slíkt gæðaeftirlit.

Lagt fram bréf bæjarstjóra til Lögmannsstofu Akureyrar ehf. er varðar starf íþrótta- og tómstundafulltrúa.

Lagt fram bréf frá framkvæmdarstjóra Landskerfa bókasafna hf. er varðar samstarfssamning við TEL (The European LIbrary) um að íslensk bókfræðigögn í Gegni verði gerð aðgengileg með ákveðnum leyfisskilmálum, enda geti það talist eðlilegur þáttur af alþjóðlegu samstarfi safna og liður í að koma íslensku menningarefni á framfæri erlendis.
Farið er fram á við sveitarstjórn Fjallabyggðar, sem eins af hluthöfum, hvort gerðar séu athugasemdir við ákvörðun stjórnar Landskerfisbókasafna hf. er þetta varðar.

Bæjarráð Fjallabyggðar gerir ekki athugasemdir við ákvörðun stjórnar Landskerfa bókasafna hf.

Bæjarstjóri lagði fram hugmynd að viðauka við fjárhagsáætlun til að mæta kostnaði við breytingar á húsnæði ráðhússins á Siglufirði en ætlunin er að starfsemin verði að mestu kominn á einn stað um áramót.

Áætlaður kostnaður við lágmarksbreytingar er að mati deildarstjóra tæknideildar um 5 milljónir króna.
Fjármagn er tekið af öðrum framkvæmdarlið og mun þar með ekki hafa áhrif á útkomuspá ársins.

Tillaga að viðauka verður sett fram á næsta bæjarráðsfundi með frekari skýringum.

Lagt fram erindisbréf markaðs- og menningarnefndar sem hefur verið yfirfarið og samþykkt af umræddri fagnefnd.

Bæjarráð leggur til við bæjarstjórn að erindisbréfið verði samþykkt.

Lagt fram erindisbréf fræðslu- og frístundanefndar sem hefur verið yfirfarið og samþykkt af umræddri fagnefnd.

Bæjarráð leggur til við bæjarstjórn að erindisbréfið verði samþykkt.

Í erindi Sýslumannsins á Siglufirði dagsett 15. nóvember 2013, er kannað hvort sveitarfélagið hafi einhverjar athugasemdir við endurnýjun á rekstrarleyfi fyrir Allann ehf, kt. 671195-2649 sem er til afgreiðslu hjá embættinu.
Óskað er eftir leyfi með sömu skilyrðum og eru í gildi.
Bæjarráð gerir ekki athugasemd við endurnýjun rekstrarleyfis.

Lagt fram mánaðarlegt launayfirlit fyrir janúar til október.
Niðurstaðan fyrir heildina er 703 m.kr. sem er um 95,7% af áætlun tímabilsins sem var 735 m.kr.
Þó eru deildir sem eru yfir áætlun tímabilsins samtals um 10 m.kr. á móti öðrum deildum sem eru undir áætlun, samtals um 42 m.kr.

Lagt fram til kynningar, samantekt um stöðu mála föstudaginn 15.11.2013.

Fundargerðir frá 25. október og 12. nóvember lagðar  fram til kynningar.

Lagt fram bréf - kvörtun frá fjórum eldri bæjarbúum dags. 11.11.2013 varðandi aðgang að sundlaug.

Bæjarráð vísar erindinu til íþrótta- og tómstundafulltrúa.

Þorsteinn Ásgeirsson mætti á fund bæjarráðs og gerði grein fyrir hugmyndum sínum er varðar að útbúa minigolf í Ólafsfirði.
Hönnun brauta verður sögutengd Tröllaskaga frá Akureyri til Hóla í Hjaltadal.
Bæjarráð samþykkir að vísa erindinu til umfjöllunar skipulags- og umhverfisnefndar.