Bæjarráð Fjallabyggðar

Bæjarráð felur sviðsstjóra velferðarsviðs að gera verðkönnun innan Fjallabyggðar á þrifum skólahúsnæðis tónlistarskólans á Siglufirði.

Bæjarfulltrúi D-lista lagði fram eftirfarandi bókun:
"Fulltrúi D-lista styður áframhaldandi rekstur og uppbyggingu skíðasvæðisins í Skarðsdal en gerir athugasemdir við undirbúning ákvörðunar um að hafna öllum umsóknum og fela sveitarfélaginu reksturinn.

Skrifleg lögfræðiráðgjöf, sem nú er meðal fundargagna, lá fyrir við fyrri afgreiðslu málsins en hafði ekki verið afhent fulltrúa D-lista. Honum var þá aðeins gerð munnleg grein fyrir henni. Í skriflega svarinu er mælt með að vísa umleitunum eins umsækjanda frá, en ekki lagt til að öllum umsóknum verði hafnað eða að sveitarfélagið taki reksturinn yfir.

Jafnframt er gerð athugasemd við frágang síðustu fundargerðar. Vegna sérstakra aðstæðna var fallist á skil bókana eftir fund. Bókun fulltrúa D-lista var send kl. 13:32 og fjórum mínútum síðar áskildi meirihlutinn sér rétt til svars. Viðbótarbókun meirihlutans barst rétt fyrir kl. 23 sama kvöld, um níu og hálfri klukkustund síðar, og innihélt ný efnisatriði og persónulegar ávirðingar.

Beiðni fulltrúa D-lista um svigrúm til viðbragða var hafnað. Hann dró eigin viðbótarbókun síðan til baka þegar ljóst var að hún yrði ekki tekin inn, til að ljúka samskiptunum og færa umræðuna á næsta fund. Það fól ekki í sér samþykki við fyrri synjun eða mismunandi meðferð bókana.
Fulltrúi D-lista hafnar ásökunum um lýðskrum og pólitískar smákeilur. Gagnrýni hans snýr að upplýstri ákvarðanatöku og ábyrgri meðferð fjármuna. Óskað er eftir formlegri, rökstuddri afgreiðslu á fyrirliggjandi leiðréttingarkröfu og skýringu á því hvaða fyrirkomulag gilti um skil bókana og lokun fundargerðar."

Bæjarfulltrúar H og S-lista lögðu fram eftirfarandi bókun:
"Bæjarráðsfulltrúa D-listans bauðst, eftir að honum var hafnað um seinni bókun á síðasta fundi, að taka málið upp á næsta fundi bæjarráðs sem hann gerir hér og þar með hefur hann haft tækifæri til þess að koma sínum sjónarmiðum til skila. Samkomulag var á síðast bæjarráðsfundi um að bókanir yrðu lagðar fram eftir fund og komu báðir aðilar sjónarmiðum sínum á framfæri. Þar sem öllum umsóknum um rekstur skíðasvæðisins í Skarðsdal var hafnað, þá mun ekki reyna á hæfi aðila í þessu máli."

Bæjarráð þakkar skrifstofustjóra fyrir framlögð gögn og mismunandi sviðsmyndir vegna breytinga á gjaldskrám.

Bæjarráð þakkar skrifstofustjóra fyrir yfirlit yfir stöðu rekstrarreiknings. Flestir liðir eru á áætlun en nokkrar undantekningar frá því. Ljóst er að gera þarf viðauka vegna snjómoksturs sem komin er framúr áætlun.

Bæjarráð þakkar sviðstjóra velferðarsviðs og deildarstjóra fræðslu- og frístundarmála fyrir góða yfirferð um fyrirkomulag Frístundar. Ljóst er að mikill metnaður er lagður í frístund og lengda viðveru. Starfið fer vel af stað og góð þátttaka. Erindinu vísað til umfjöllunar í fræðslu- og frístundanefnd.

Bæjarráð fagnar erindinu frá KF og samþykkir frí afnot af íþróttahúsinu í Ólafsfirði skv. fyrirliggjandi beiðni frá félaginu. Forsvarsmenn KF setji sig í samband við forstöðumann Íþróttamiðstöðva varðandi frekari tímasetningar.

Erindinu vísað til bæjarstjórnar til formlegs samþykkis.

Lagt fram til kynningar

Lagt fram til kynningar

Lagt fram til kynningar