Erindi til nýkjörinna sveitarstjórnarfulltrúa

Öldungaráði barst erindi Landssambands eldri borgara um skipan öldungaráða og mikilvægi virks samráðs við eldra fólk.

Öldungaráð Fjallabyggðar tekur undir þau sjónarmið sem fram koma í erindinu. Ráðið hefur á undanförnu ári lagt áherslu á virkt starf, reglulega umræðu um málefni eldra fólks og að koma ábendingum og tillögum á framfæri við sveitarfélagið.

Öldungaráð telur mikilvægt að áfram verði byggt á þeirri vinnu og að ráðið fái tækifæri til að koma að stefnumótun og ákvörðunum sveitarfélagsins sem varða eldra fólk, þjónustu, búsetu, aðgengi og lífsgæði þess.

Ráðið leggur jafnframt áherslu á gott upplýsingaflæði og skýrar leiðir til samráðs milli öldungaráðs, nefnda og bæjarstjórnar þannig að þekking og reynsla eldra fólks nýtist við ákvarðanatöku og þróun þjónustu í Fjallabyggð.

Formaður hvatti forystu félaganna til að huga að kynjaskiptingu í ráðinu en aðalmenn eru allt karlar.

Lagt fram til kynningar