Bæjarráð Fjallabyggðar

Fyrir liggur vinnuskjal sviðsstjóra Velferðarsviðs um ráðningu skólastjóra Grunnskóla Fjallabyggðar. Starfið var auglýst laust til umsóknar og bárust þrjár umsóknir um starfið. Við yfirferð kom í ljós að einn umsækjandi uppfyllti ekki hæfniskröfur, annar umsækjandi uppfyllti ekki þær faglegu og lögbundnu kröfur sem gerðar eru til starfsins og þriðji umsækjandinn dró umsókn sína til baka.
Sviðsstjóri leitaði til Guðrúnar Unnsteinsdóttur, sem gengt hefur starfi deildarstjóra, um að hún tæki að sér starf skólastjóra og með því tryggja stöðuleika og faglega forystu við upphaf næsta skólaárs. Sviðsstjóri mælir með ráðningu Guðrúnar Unnsteinsdóttur í starf skólastjóra Grunnskóla Fjallabyggðar og óskar eftir staðfestingu bæjarráðs og heimild til þess að ráða hana í starfið frá og með 1. ágúst n.k.

Fyrir liggur vinnuskjal bæjarstjóra vegna reksturs skíðasvæðisins í Skarðsdal.

Með afgreiðslu vísast til trúnaðarbókar

Fyrir liggur tillaga um varðveislu söguminja við fiskhjallana er standa í Kleifarhorni og við sjósandinn í Ólafsfirði. Tillagan gerir ráð fyrir því að farið verði í hreinsunarstarf á svæðinu og í framhaldinu verði hugað að því að sækja um styrk í Framkvæmdasjóð ferðamannastaða til byggingar á nýjum hjöllum ásamt tilfallandi fræðsluefni og fleiru.

Fyrir liggur erindi frá Náttúruverndarstofnun sem borist hefur ábending um hugsanlegt brot á lögum um friðun fugla vegna umferð torfæruhjóla í Ólafsfirði við Ólafsfjarðará. Fram kemur að samkvæmt ábendingu fari akstur torfæruhjóla fram utan brauta sem valdi miklu raski í kríuvarpi.

Fyrir liggur verkefnisskilgreining og áætlun Verkís á endurskoðun frumathugunar undan Strengsgiljum á Siglufirði. Miðað er við að endurskoðun fari fram árið 2027 og í framhaldi hugsanlegar nauðsynlegar framkvæmdir.

Bæjarstjóri upplýsti um að aðilar á vegum Ísor hafi heimsótt Brimnesdal þann 18.júní s.l. en markmið heimsóknarinnar var að meta hvort líklegt væri að finna nægjanlegt magn vatns á hentugu dýpi til þess að mæta vatnsþörf í Ólafsfirði. Sérfræðingar á vegum Ísor eru að yfirfara þau gögn sem safnað var og munu leggja fram samantekt þegar þeirri yfirferð er lokið.

Fyrir liggur vinnuskjal frá Heilbrigðiseftirliti Norðurlands vestra um stöðu mála varðandi fyrirhugaðra breytinga á skipulagi eftirlitsins. Áætlað er að funda á vettvangi SSNE n.k. þriðjudag vegna málsins.

Fyrir liggja vinnuskjöl af stöðufundum 69 og 70 með framkvæmdasviði