Vatnsveita Fjallabyggðar, tillögur til úrbóta 2026

Fyrir liggur bréf frá Heilbrigðiseftirliti Norðurlands vestra með tillögum að lagfæringum og endurnýjun á vatnsveitu Fjallabyggðar.

Fyrir liggur vinnuskjal frá sviðsstjóra framkvæmdasviðs á tillögum til úrbóta á vatnsveitu í Ólafsfirði og vatnsöflun. Í samræmi við innviðagreiningu Eflu frá árinu 2023 eru þrír möguleikar á vatnsbólum skoðaðir auk þess sem skoðaður er möguleiki á borun eftir köldu vatni. Sviðsstjóri fór yfir málið og leggur til að skoðaður verði frekar sá möguleiki að bora eftir köldu vatni í nágrenni Múlalindar.

Fyrir liggur vinnuskjal frá sviðsstjóra skipulags - og framkvæmdasviðs sem lagt var fyrir fund framkvæmda-, hafna- og veitunefndar miðvikudaginn 14.apríl.

Bæjarstjóri upplýsti um að aðilar á vegum Ísor hafi heimsótt Brimnesdal þann 18.júní s.l. en markmið heimsóknarinnar var að meta hvort líklegt væri að finna nægjanlegt magn vatns á hentugu dýpi til þess að mæta vatnsþörf í Ólafsfirði. Sérfræðingar á vegum Ísor eru að yfirfara þau gögn sem safnað var og munu leggja fram samantekt þegar þeirri yfirferð er lokið.

Fyrir liggur vinnuskjal frá Ísor þar sem fram koma tillögur að fimm holustaðsetningum til borunar eftir köldu vatni í og við Brimnesdal.