Endurskoðun hættumats fyrir Fjallabyggð 2026

Í kjölfar kynningar á endurskoðun hættumats neðan varnargarða á Siglufirði og í Ólafsfirði óskaði Fjallabyggð eftir endurskoðun á frumathugun vegna hættusvæðis C. Fyrir liggur að Veðurstofa haldi íbúakynningu vegna endurskoðunar hættumats.

Fyrir liggur verkefnisskilgreining og áætlun Verkís á endurskoðun frumathugunar undan Strengsgiljum á Siglufirði. Miðað er við að endurskoðun fari fram árið 2027 og í framhaldi hugsanlegar nauðsynlegar framkvæmdir.

Fyrir liggur erindi frá Finni I Sölvasyni, lóðarhafa og framkvæmdaaðila við lóðina að Suðurgötu 87, og Sigurði Hlöðverssyni, byggingarstjóra fyrirhugaðrar byggingar einbýlishúss á lóðinni. Þar sem ekki liggur fyrir staðfest endurskoðun hættumats fyrir Fjallabyggð er óskað eftir undanþágu frá breytingum á hönnun hússins og fordæmi eru fyrir við svipaðar aðstæður og gera megi ráð fyrir því að fullnaðarvörnum vegna snjóflóða verði lokið innan fárra ára. Í meðfylgjandi teikningum hefur byggingin verið styrkt frá upphaflegri hönnun.

Kynning á endurskoðuðu hættumati verður 26.ágúst n.k.