Bæjarráð Fjallabyggðar

Fyrir liggur samantekt bæjarstjóra á gögnum áhugasamra aðila um rekstur upplýsingamiðstöðvar í sumar eftir fundi með hverjum og einum aðila.

Fyrir liggur vinnuskjal frá félagsmálastjóra á stöðu fósturvistana og fósturheimila sem skjólstæðingar Fjallabyggðar eru að njóta. Óskað var eftir samantekt í ljósi þeirra mála sem hafa verið í umræðu um eftirlit með fósturheimilum á landsvísu.

Bæjarstjóri greindi frá framvindu mála varðandi yfirfærslu reksturs hjúkrunarheimilisins Hornbrekku til HSN.

Samningur Fjallabyggðar og Landhelgisgæslunnar varðandi þjónustu við varðskipið Freyju og fleira rennur út í haust. Bæjarstjóri óskar eftir heimild til þess að ganga til viðræðna um áframhaldandi samning er byggir á forsendum fyrri samnings.

Fyrir liggur erindi frá Sigurjóni Magnússyni þar sem lögð er fram tillaga að bótum vegna kostnaðar sem Sigurjón telur að hann hafi orðið fyrir vegna innköllunar lóðar fyrir nýjan kirkjugarð við Brimnes.

Fyrir liggur beiðni frá Skíðafélagi Siglufjarðar Skíðaborg (SSS) þar sem óskað er eftir opnun á sundlauginni á Siglufirði laugardagskvöld frá 19:30 - 21:00 fyrir unglinga sem taka þátt í bikarmóti á skíðum og frían aðgang fyrir um 70 keppendur.

Fyrir liggur vinnuskjal frá 53.stöðufundi með framkvæmdasviði.

Bæjarstjóri greindi frá stöðu varðandi skil til endurskoðenda vegna ársreiknings 2025 og er ferlið í samræmi við áætlun. Jafnframt var lögð fram staða á rekstri málaflokka og tekjum fyrir árið. Ljóst er að tekjur og gjöld ársins 2025 eru meiri heldur en gert var ráð fyrir og skýrist það m.a. vegna aukinna framlaga vegna lögbundinna verkefna Fjallabyggðar. Lífeyrisskuldbindingar er fram koma í rekstrarreikningi eru mun hærri heldur en gert var ráð fyrir og skýrist það m.a. vegna mikilla launahækkanna á síðasta ári.

Fyrir liggur fundargerð 330.fundar skipulags - og umhverfisnefndar Fjallabyggðar.