Innköllun hluta lóðarinnar Brimnes undir nýjan kirkjugarð

Málsnúmer 2405057

Vakta málsnúmer

Skipulags- og umhverfisnefnd Fjallabyggðar - 324. fundur - 18.06.2025

Óskað er eftir því að hefja innköllun á hluta lóðarinnar á Brimnesi v. svæðis undir nýjan kirkjugarð í Ólafsfirði í samræmi við nýtt deiliskipulag svæðisins.
Samþykkt
Erindið samþykkt

Bæjarráð Fjallabyggðar - 908. fundur - 12.02.2026

Fyrir liggur erindi frá Sigurjóni Magnússyni þar sem lögð er fram tillaga að bótum vegna kostnaðar sem Sigurjón telur að hann hafi orðið fyrir vegna innköllunar lóðar fyrir nýjan kirkjugarð við Brimnes.
Vísað til afgreiðslu starfsmanns
Bæjarráð þakkar Sigurjóni fyrir erindið og felur bæjarstjóra að leita álits lögmanns sveitarfélagsins m.t.t. krafna sem koma fram í erindi Sigurjóns.

Bæjarráð Fjallabyggðar - 917. fundur - 27.04.2026

Fyrir liggur álit lögmanns Fjallabyggðar á kröfum Sigurjóns Magnússonar vegna innköllunar á hluta lóðarinnar Brimnes undir nýjan kirkjugarð. Jafnframt liggur fyrir mat sviðsstjóra á kostnaði sem Sigurjón telur að hann hafi orðið fyrir vegna innköllun lóðarinnar.
Samþykkt
Legið hefur fyrir frá því staðsetning nýs kirkjugarðs var samþykkt að innkalla þyrfti hluta lóðar í Brimnesi. Samkvæmt lóðarleigusamningi ber Fjallabyggð að greiða lóðarhafa útlagðan kostnað vegna framkvæmda og fasteigna á innkallaðri lóð. Bæjarráð felur bæjarstjóra að ganga til samninga við lóðarhafa um að Fjallabyggð greiði hluta krafna vegna framkvæmda og fasteigna á lóðinni í samræmi við mat framkvæmdasviðs. Upphaflegar kröfur námu 6,4 milljónum króna.