Bæjarráð Fjallabyggðar

Hlusta

716. fundur 28. október 2021 kl. 08:00 - 08:45 í fjarfundi

Nefndarmenn

Nanna Árnadóttir aðalmaður, I lista
Jón Valgeir Baldursson aðalmaður, H lista
S. Guðrún Hauksdóttir formaður, D lista

Starfsmenn

Guðrún Sif Guðbrandsdóttir deildarstjóri stjórnsýslu- og fjármála
Elías Pétursson bæjarstjóri

Fundargerð ritaði: Guðrún Sif Guðbrandsdóttir deildarstjóri stjórnsýslu- og fjármála

1.Starf tæknifulltrúa, afleysing

Málsnúmer 2106036 Vakta málsnúmer

Lagt er fram minnisblað deildarstjóra tæknideildar dags. 20. október 2021, í minnisblaðinu kemur fram að leitað hafi verið tilboða þriggja aðila í tilfallandi skipulagsvinnu (tímavinna) á meðan skipulagsfulltrúi er í fæðingarorlofi. Í minnisblaðinu leggur deildarstjóri til að tilboði lægstbjóðanda verði tekið.

Samþykkt

Bæjarráð samþykkir tillögu deildarstjóra tæknideildar þess efnis að tekið verði tilboði lægstbjóðanda, Teiknistofu Arkitekta.

2.Skrá yfir störf sem verkfall nær ekki til.

Málsnúmer 2110072 Vakta málsnúmer

Lagt fram til kynningar erindi Sambands íslenskra sveitarfélaga, dags. 08.01.2019 þar sem sveitarfélög eru minnt á að samkvæmt 2. mgr. 19. gr. laga nr. 94/1986 um kjarasamninga opinberra starfsmanna og 2. gr. í nýsamþykktum lögum nr. 129/2020 um skrá yfir störf hjá sveitarfélögum sem heimild til verkfalls nær ekki til, skulu sveitarfélög, fyrir 1. febrúar ár hvert, að undangengnu samráði við viðkomandi stéttarfélög, birta skrár (lista) yfir þá starfsmenn sem ekki hafa verkfallsheimild.

Bæjarráð samþykkir framlagða óbreytta lista sem birtir voru í b-deild Stjórnartíðinda annarsvegar 2. febrúar 2015 nr. 104 og hinsvegar 29. janúar 2019 nr. 1371.

3.Fjárhagsáætlun 2022 - Tillaga að fjárhagsáætlun

Málsnúmer 2109055 Vakta málsnúmer

Bæjarstjóri lagði fram og fór yfir rammaáætlun vegna komandi rekstrarárs og forsendur sem að baki henni liggja.

Samþykkt

Bæjarráð samþykkir framlagða rammaáætlun og felur bæjarstjóra að láta vinna tillögur að gjaldskrárbreytingum byggðar á framlögðum forsendum.

4.Tilboð í ræstingu í Leikskóla Fjallabyggðar Ólafsfirði 2021

Málsnúmer 2110010 Vakta málsnúmer

Lagt er fram minnisblað deildarstjóra fræðslu-, frístunda- og menningarmála dags. 26. október 2021. Í minnisblaðinu leggur deildarstjóri til við bæjarráð að öllum tilboðum sem bárust í ræstingu í Leikskóla Fjallabyggðar, Leikhóla 2021-2024, sem opnuð voru þann 11. október sl., og kynnt á fundi bæjarráðs þann 14. október sl., verði hafnað og útboð í verkið auglýst að nýju. Tillaga um höfnun tilboða byggir á því að í ljós hefur komið að ágalli var á framkvæmd útboðsins. Fyrir liggur að virði umrædds ræstingarsamnings, með mögulegri framlengingu um tvö ár, er mun meira en viðmiðunarfjárhæð útboðsskyldu samkvæmt ákvæðum laga um opinber innkaup og bar því að auglýsa útboðið á landsvísu á útboðsvef, samanber ákvæði reglugerðar nr. 1313/2020.
Einnig er lagt fram minnisblað lögmanns sveitarfélagsins dags. 25. október.

Samþykkt

Bæjarráð samþykkir að hafna öllum tilboðum í ræstingu í Leikskóla Fjallabyggðar, Leikhóla. Einnig samþykkir bæjarráð að fela deildarstjóra fræðslu-, frístunda- og menningarmála að hefja undirbúning nýs útboðs vegna ræstinga í leikskólum Fjallabyggðar á þeim forsendum sem fram koma í framlögðu minnisblaði.

5.Drög að reglugerð um breytingu á reglugerð nr. 1088 - 2012 um Jöfnunarsjóð sveitarfélaga.

Málsnúmer 2110035 Vakta málsnúmer

Lögð er fram til kynningar umsögn bæjarstjóra sem óskað var eftir á 714. fundi bæjarráðs.

Lagt fram

Fylgiskjöl:

6.Trúnaðarmál

Málsnúmer 2109025 Vakta málsnúmer

Niðurstaða færð í trúnaðarbók.

Lagt fram

7.Húsnæðissjálfseignarstofnun á landsbyggðinni.

Málsnúmer 2110011 Vakta málsnúmer

Lögð er fram umsögn bæjarstjóra dags. 26. október 2021. Í umsögn sinni leggur bæjarstjóri til að Fjallabyggð taki með jákvæðum hætti í erindi Sambands íslenskra sveitarfélaga. Þ.e. að Fjallabyggð taki þátt í samtali um að sveitarfélög setji á fót húsnæðissjálfseignarstofnun er starfi á landsbyggðinni. Markmið mögulegrar húsnæðissjálfseignarstofnunar verði að stuðla að uppbyggingu almennra íbúða þar sem þess er þörf utan höfuðborgarsvæðis og vaxtarsvæða, í þágu tekjulágra hópa á vinnumarkaði og þeirra hópa sem sveitarfélög bera sérstakar lagaskyldur gagnvart, m.a. fötluðu fólki.

Visað til afgreiðslu starfsmanns

Bæjarráð samþykkir framlagða tillögu bæjarstjóra og felur honum að vinna málið áfram.

8.Tækifæri að bættu aðgengi.

Málsnúmer 2110083 Vakta málsnúmer

Lagt er fram erindi Guðjóns Sigurðssonar dags. 20. október 2021, efni erindisins er að kynna fyrir sveitarfélaginu verkefnið „Aðgengi að lífinu“ ásamt að óska eftir samtali við sveitarfélagið vegna aðgengismála fatlaðra. Einnig er í erindinu bent á möguleika sveitarfélaga til að sækja um styrk í fasteignasjóð Jöfnunarsjóðs sveitarfélaga.

Vísað til umsagnar

Bæjarráð samþykkir að fela deildarstjóra tæknideildar að ræða við Guðjón og í framhaldi að semja umsögn vegna málsins. Í umsögn skal koma fram hver helstu tækifæri til úrbóta eru, áætlaður kostnaður við úrbætur og hvernig þær falla að tilvitnaðri reglugerð um fasteignasjóð Jöfnunarsjóðs sveitarfélaga. Umsögn skal lögð fyrir fund bæjarráðs 11. nóvember n.k.

9.Umsókn um styrk

Málsnúmer 2110092 Vakta málsnúmer

Lagt er fram erindi Gísla Marteins Baldvinssonar dags. 22. október 2021, efni erindis er að óska eftir 100.000 kr. styrks vegna keppnisferðar til Finnlands þar sem keppt verður í blaki.

Synjað

Bæjarráð sér sér ekki fært að verða við erindinu.