Fréttir & tilkynningar

Njáll Trausti Friðbertsson alþingismaður og formaður starfshóps á vegum samgöngu- og sveitarstjórnarráðuneytisins um eflingu innanlandsflugsins og uppbyggingu flugvalla mun gera grein fyrir skýrslu starfshópsins og tillögum um niðurgreiðslu flugfargjalda skv. hinni svokölluðu skosku leið og uppbyggingu flugvalla. Fundurinn verður haldinn í sal Ráðhúss Fjallabyggðar laugardaginn 26. janúar kl. 11:00.

Fyrsti súpufundur ársins verður haldinn, þriðjudagurinn 22. janúar kl. 11.30-13.00 Fundarstaður: Veitingastaðurinn Greifinn, Glerárgötu 20, 2.hæð. Boðið upp á matarmikla súpu, salat & kaffi á kr.2000 sem greiðist á staðnum. Áhugasamir eru vinsamlega beðnir um að skrá sig fyrir lok mánudagsins 21.janúar.

Laus er til umsóknar íbúð 201. Íbúðin er á 2 hæð og er 59,3 fm ásamt geymslu 7,8 fm. Umsóknarfrestur er til 25 janúar nk. Allar upplýsingar um íbúðina gefur Helga Hermannsdóttir í síma 467-1147 og 898-1147. Hægt er að nálgast umsóknareyðublöð á fjallabyggd.is,bæjarskrifstofu og Skálarhlíð.

Timo Soini utanríkisráðherra Finnlands er í opinberri heimsókn á Íslandi. Leið ráðherrans lá til Siglufjarðar í gær en fram fór tvíhliða fundur utanríkisráðherra Íslands, Guðlaugs Þórs Þórðarsonar og Timo Soini í Bátahúsinu í morgun. Helga Helgadóttir formaður bæjarráðs tók á móti utanríkisráðherrunum fyrir hönd Fjallabyggðar og færði Fjallabyggð ráðherrunum gjöf hannaða af Bæjarlistamanni Fjallabyggðar 2019 Hólmfríði Vídalín Arngrímsdóttur.

Stýrihópur um Heilsueflandi samfélag hefur hug á að bjóða íbúum Fjallabyggðar upp á opið dansnámskeið sem haldið verður í Tjarnarborg

Verð á skólamáltíð í Grunnskóla Fjallabyggðar er óbreytt. Í gjaldskrá Grunnskóla Fjallabyggðar 2019 kemur fram að verð á skólamáltíð er kr. 530 en það er óbreytt frá árinu 2018.

Athygli skal vakin á breyttum afsláttarprósentum í gjaldskránum sem veita foreldrum sem eru með fleiri en eitt barn í leikskóla og/eða lengdri viðveru í grunnskóla aukinn afslátt. Systkinaafsláttur er veittur vegna barna á forræði forráðamanns/manna sem hér segir, að því tilskildu að þau eigi öll lögheimili í Fjallabyggð.

Gjaldskrá Íþróttamiðstöðvar Fjallabyggðar hefur verið birt og er aðgengileg á heimasíðu Fjallabyggðar undir "Gjaldskrár".

Íþrótta- og Ólympíusamband Íslands minnir á að Lífshlaupið 2019 hefst 6. febrúar og er það í 12. sinn sem Lífshlaupið fer af stað.

Fjallabyggð veitir foreldrum/forráðamönnum barna á aldrinum 4-18 ára með lögheimili í Fjallabyggð, frístundastyrk vegna þátttöku í skipulögðu íþrótta- og tómstundastarfi. Á næstu dögum mun Fjallabyggð senda út frístundaávísanir til foreldra/forráðamanna allra barna í Fjallabyggð á aldrinum 4 - 18 ára. Frá og með 1. janúar 2019 er styrkurinn kr. 32.500 á barn á ári.