Fréttir & tilkynningar

Snemma í vor var mikið plastrusl úr Héðinsfjarðarfjöru flutt til förgunar á Siglufirði. Meðal annars eitt hundrað úttroðnir netpokar eða u.þ.b. 7-10 rúmmetrar og var afrakstur vetrarsöfnunar Lisu Dombrowe og Ragga Ragg. Hreinsunin hélt svo áfram í sumar þegar vinir þeirra og stuðningsfólk kom til aðstoðar á Örkinni Gunna Júl 24. júlí. Nærri tuttugu manns sigldu þá til hreinsunar í Héðinsfirði og voru plokkaðir um 6 rúmmetrar af plasti – hluti af því smágert brotaplast, komið nálægt frumeindum sínum.

Kiwanisklúbburinn Skjöldur býður eldri borgurum í Fjallabyggð til grillveislu við Kiwanishúsið við Aðalgötu á Siglufirði laugardaginn 3. september frá kl. 12:30 Ekki verður hægt að vera með grillið í skógræktinni vegna flugu. Borð og stólar verða á staðnum.

Fimmtudaginn 1. september verður eftirfarandi lokun gatna í Ólafsfirði vegna malbikunar. Ökumenn eru beðnir að virða lokanir og nota merktar hjáleiðir.

Norðanátt býður upp á öflugt Vaxtarrými í annað sinn í haust þar sem þátttakendur fá tækifæri til að efla sig og sín fyrirtæki og vaxa með vindinn í bakið.

Þessir starfsmenn Orkusölunnar komu færandi hendi í dag og afhentu Sigríði Ingvarsdóttur bæjarstjóra Fjallabyggðar þessa fallegu plöntu til að minna á grænar áherslur fyrirtækisisns. Orkusalan kolefnisjafnar starfsemi sína ásamt vinnslu orku úr eigin virkjunum.

Grunnskóla Fjallabyggðar leitar eftir kröftugum og jákvæðum starfskrafti í vinnu. Um er að ræða 75% stöðu stuðningsfulltrúa á starfsstöðina í Ólafsfirði. Ráðið er tímabundið í stöðuna. Umsækjendur þurfa að veita leyfi til upplýsingaröflunar úr sakaskrá. Áhugsamir endilega hafið samband við Erlu Gunnlaugsdóttir skólastjóra í síma 4649150 eða á netfangið erlag@fjallaskolar.is

Opnað hefur verið verið fyrir umsóknir um styrki úr Framkvæmdasjóði ferðamannastaða vegna framkvæmda á árinu 2023. Umsóknarfrestur er til kl. 13 miðvikudaginn 5. október.

Grunnskóli Fjallabyggðar auglýsir eftir starfsmanni í frístund og lengda viðveru. Við leitum að starfsmanni til að starfa í skólahúsið við Norðurgötu á Siglufirði. Um er að ræða starf í frístund og lengdri viðveru sem hefst kl. 13:20 og lýkur kl. 16:00, alla virka daga. Starfið er fjölbreytt og skemmtilegt. Áhersla er lögð á mannleg samskipti við börn og fullorðna. Starfsmaður þarf að geta hafið störf sem fyrst [meira]. Umsókn um stöðuna skal skilað ásamt yfirliti yfir menntun og starfsreynslu, ásamt nöfnum tveggja umsagnaraðila í tölvupósti á netfang Erlu Gunnlaugsdóttir skólastjóra, erlag@fjallaskolar.is. Umsækjendur þurfa að veita leyfi til upplýsingaöflunar úr sakaskrá. Nánari upplýsingar fást hjá skólastjóra í síma 4649150 eða 8652030

Loka þarf fyrir kaldavatnið á Suðurgötu, Siglufirði í dag 24. ágúst. Nánar tiltekið milli húsa 60 – 86. Gert er ráð fyrir að lokunin verði milli kl. 10:00 og 12:00 en gæti dregist aðeins lengur

Kæru íbúar Húnabyggðar Fyrir hönd íbúa Fjallabyggðar sendum við ykkur og öðrum þeim sem eiga um sárt að binda, innilegar samúðarkveðjur vegna þess harmleiks sem átti sér stað á Blönduósi. Hugur okkar er hjá ykkur. Bæjarstjórn Fjallabyggðar