Fréttir & tilkynningar

Deiliskipulag fyrir Hvanneyrarbraut 30 Siglufirði

Bæjarstjórn Fjallabyggðar samþykkti 20. maí 2020 að auglýsa tillögu að deiliskipulagi fyrir Hvanneyrarbraut 30 á Siglufirði skv. 1. mgr. 41. gr. skipulagslaga nr. 123/2010. Skipulagssvæðið markast af lóðamörkum Hvanneyrarbrautar 30, landnr. 142644. Deiliskipulagstillagan felur í sér skilgreiningu á byggingarreit fyrir viðbyggingu og skapa þannig möguleika á stækkun núverandi húss til suðurs.
Lesa meira

Menningarstarf í Alþýðuhúsinu á Siglufirði yfir hvítasunnuhelgina

Menningarstarf í Alþýðuhúsinu á Siglufirði hefst að nýju í lok maí eftir óhjákvæmilegar lokanir í mars og apríl. Opnað verður inn á sýningar og viðburði í takti við þær takmarkanir um mannamót sem fyrir liggja hverju sinni og gestir beðnir um að sýna tillit með fjarlægðir, handspritt og að snerta ekki neitt innandyra. Einnig að koma ekki á viðburði með einkenni af covid 19.
Lesa meira

Pálshús opnar á ný eftir vetrarfrí

Þann 30. maí nk. opnar Pálshús neðri hæðina eftir vetrardvala. Á neðri hæð hússins er m.a. Fuglasýningin “Flugþrá” og sýningin “Ólafsfjarðarvatn”. Þá opnar Árni Rúnar Sverrisson myndlistasýninguna "Ferðasaga" í sýningarsalnum laugardaginn 30. maí kl. 14:00. Sýningin stendur til 26. júlí nk. Pálshús verður opið alla daga í sumar frá kl. 13.00-17:00
Lesa meira

Vinnuskóli Fjallabyggðar 2020

Í fjárhagsáætlun 2020 er áætlað kr. 15.720.000.- á málaflokk opinsvæði 11410 – lykill 1110, laun, auk kr. 3.323.000 í launatengd gjöld, lykill 1890.
Lesa meira

Fjallabyggð hlaut styrk úr Barnamenningarsjóði

Fjallabyggð hlaut 2 millj. kr. styrk úr Barnamenningarsjóði. Himinn og haf – Barnamenningardagar í Fjallabyggð verða haldnir í október þar sem í boði verða m.a. sköpunarsmiðjur, listsmiðjur, skapandi námskeið, fræðsla, framandi matargerð, sýningar og fleira og fleira fyrir börn og ungmenni. Markmiðið er að efla menningarstarf barna, gefa þeim tækifæri óháð stöðu og efnahag til að kynnast flóru menningar og lista í samfélaginu og sem þátttakendur að rækta hæfileika sína til listsköpunar, auk þess að veita þeim hvatningu til skapandi hugsunar og kynna þeim heim og umhverfi menningar í byggðalaginu.
Lesa meira

Sumarnámskeið barna í Fjallabyggð 2020

Rafrænt yfirlit yfir sumarnámskeið og frístundastarf barna og unglinga í Fjallabyggð sumarið 2020 er nú aðgengilegt á vef Fjallabyggðar.
Lesa meira

186. fundur Bæjarstjórnar Fjallabyggðar

186. fundur Bæjarstjórnar Fjallabyggðar verður haldinn í Tjarnarborg Aðalgötu 13 Ólafsfirði, 27. maí 2020 og hefst kl. 17:00
Lesa meira

Sumarátaksstörf námsmanna hjá Fjallabyggð

Fjölbreytt og áhugaverð sumarstörf eru í boði hjá Sveitarfélaginu Fjallabyggð fyrir námsmenn, 18 ára og eldri sem eru á milli anna í námi. Námsmenn í háskólanámi eru sérstaklega hvattir til að sækja um. Störfin eru hluti af atvinnuátaki sveitarfélagsins í samstarfi við Vinnumálastofnun og eru 10 störf í boði í tvo mánuði hvert.
Lesa meira

Umhverfisátak 2020

Fyrirhuguð er tiltekt á fjórum svæðum í Fjallabyggð með það að markmiði að fegra og bæta umhverfið. Svæðin sem um ræðir eru: Vesturtangi á Siglufirði Svæði vestan við Óskarsbryggju á Siglufirði Lóð númer 4 við Námuveg í Ólafsfirði Gámasvæði við smábátahöfn í Ólafsfirði Á myndunum má sjá nánir skilgreiningu á svæðunum sem um ræðir.
Lesa meira

Byggðakvóti 2019/2020 (IV)

Fiskistofa auglýsir eftir umsóknum um byggðakvóta til fiskiskipa skv. ákvæðum reglugerðar nr. 676/2019 um úthlutun byggðakvóta til fiskiskipa á fiskveiðiárinu 2019/2020. Auk reglugerðarinnar er vísað til sérstakra úthlutunarreglna í neðanskráðum byggðalögum sbr. auglýsingu nr. 463/2020 í Stjórnartíðindum.
Lesa meira