Fréttir & tilkynningar

Styrkir til þróunarverkefna í ferðaþjónustu

Iðnaðarráðherra hefur ákveðið að ráðstafa 100 milljónum króna af fé Byggðaáætlunar 2007 – 2009 til þriggja þróunarverkefna í ferðaþjónustu. Í öllum tilfellum verður auglýst eftir hópum fyrirtækja og einstaklinga í ferðaþjónustu sem vilja taka þátt í þróunarverkefnum á skilgreindum svæðum.
Lesa meira

Stefnumótunarvinna í skóla- og fræðslumálum Fjallabyggðar

Miðvikudaginn 20. febrúar sl. var vinnufundur í skóla- og fræðslumálum í Tjarnarborg. Alls mættu 30 manns frá Siglufirði og Ólafsfirði. Fulltrúar frá öllum hópum skólasamfélagsins, kennarar, nemendur og foreldrar unnu saman að framtíðarsýn Fjallabyggðar í skólamálum. Fundurinn er aðeins fyrsta skrefið í þessari vinnu en á næstunni mun hópurinn halda áfram að móta skólastefnu Fjallabyggðar. Fyrirhugað er að þessari vinnu ljúki í maí/júní.
Lesa meira

Íslandsmeistarar í innanhúss knattspyrnu

Knattspyrnu konur/stúlkur í Knattspyrnufélag Siglufjarðar 5. flokki, urðu Íslandsmeistarar  kvenna innanhúss þann 16. febrúar. Við óskum þeim innilega til hamingju með sigurinn. Sjá má fína mynd af stúlkunum á www.sksiglo.is Úrslitakeppni Íslandsmóts í knattspyrnu innanhúss, 4. flokki karla, var haldin sunndaginn 17. febrúar og þar lentu í strákarnir í KS í 5. sæti, sem er góður árangur hjá þeim. Til hamingju strákar.
Lesa meira

Bikarmót SKI og N1 í flokki 15 ára og eldri

Skíðafélag Dalvíkur og Skíðafélag Ólafsfjarðar bjóða til bikarmóts SKI og N1 í flokki 15 ára og eldri, haldið á Dalvík 23. og 24. febrúar nk.
Lesa meira

Fjölþraut og frjálsar

Svava Stefanía Sævarsdóttir tók þátt í Íslandsmótinu í fjölþraut í flokki 15-16 ára meyja sl. sunnudag en mótið fór fram í Reykjavík. Svava stóð sig frábærlega að vanda í keppni við efnilegustu stúlkur landsins. Hún bætti sig í 4 greinum af 5 og endaði í 5. sæti af þeim 22 keppendum sem mættu til leiks.
Lesa meira

Guðrún Ósk íþróttamaður ársins á Siglufirði

Í gærkveldi var tilkynnt um val á íþróttamanni ársins 2007 á Siglufirði. Að þessu sinni var það Guðrún Ósk Gestsdóttir keppandi í frjálsum íþróttum sem varð fyrir valinu. Guðrún átti mjög gott ár í fyrra. Hún keppti á 10 mótum og sýndi fram á að hún er ein af efnilegustu frjálsíþróttastúlkum landsins. Síðasta sumar fór hún reglulega á æfingar upp á Sauðárkrók til að æfa við betri aðstæður en bjóðast á Siglufirði svo hún gæti tekið meiri framförum í greininni. Helstu árangrar Guðrúnar á sl. ári eru þessir:
Lesa meira

Styrkveitingar úr Íþróttasjóði

Menntamálaráðherra samþykkt á dögunum tillögur Íþróttanefndar um styrkveitingar úr Íþróttasjóði, alls að upphæð kr. 20.354.000 til 90 verkefna, en auglýst var eftir umsóknum í október s.l. Alls bárust 158 umsóknir um styrki úr Íþróttasjóði að upphæð 177 m.kr. vegna ársins 2008. Að þessu sinni komu 800.000 kr í hlut félaga í Fjallabyggð. Ungmennafélagið Glói fékk 200.000 kr. til kennslu og æfinga á íslenskri glímu. Golfklúbbur Ólafsfjarðar fékk 300.000 kr. til kaupa á kargasláttuvél. Íþróttafélagið Leiftur fékk 150.000 kr. til að bæta aðstöðu fyrir knattspyrnu og frjálsar íþróttir og Skíðafélag Ólafsfjarðar fékk 150.000 kr til uppsetningar snjógirðinga.
Lesa meira

Árshátíð Grunnskóla Ólafsfjarðar

Árshátíð Grunnskóla Ólafsfjarðar, 1. – 6. bekk var haldin föstudaginn 15.febrúar. Sýndar voru leikgerðir af hinum ýmsu sögum Astrid Lindgren, en eins og kunnugt er á hún aldar afmæli í ár. Árshátíðin var haldin í Tjarnarborg að venju og var fullt hús, setið var bæði uppi og niðri. Árhorfendur voru sammála um að vel hefði tekist til og þeir skemmtu sér vel yfir atriðum úr Línu Langsokk, Emil, Börnunum úr Ólátagarði, Kalla á þakinu, Ronju Ræningjadóttur ásamt fleiri skemmtilegum sögum. Við bendum á að á http://sksiglo.is/gallery/2008/grunnskolaborn/ eru fjölmargar myndir.
Lesa meira

Skráningarverkefni til Siglufjarðar á næstunni?

Heilbrigðisstofnun Siglufjarðar átti næstbesta tilboð í skráningu sjúkraskráa fyrir slysa- og bráðasvið Landspítalans. Líkur eru á að einhver verkefni skili sér þó til heilbrigðisstofnunarinnar ef marka má frétt á mbl.is.
Lesa meira

Heimasíða Skíðasvæðis í Skarðsdal

Nú er búið að opna sé heimasíðu fyrir Skíðasvæðið í Skarðsdal. Hægt er að smella á merki skíðasvæðis hér til hægri á síðunni og er slóðin þangað http://skard.fjallabyggd.is (ath. ekki setja www fyrir framan). Þessi síða og símsvarinn 878-3399 verða helstu upplýsingamiðlar skíðasvæðisins í Skarðsdal í vetur.
Lesa meira