Bæjarráð Fjallabyggðar

Á fjarfund bæjarráðs eru mætt þau Þorleifur Kr. Níelsson og Elva Gunnlaugsdóttir frá SSNE og Bjarkey O. Gunnarsdóttir, sviðsstjóri velferðarsviðs, en bæjarráð óskaði eftir því á fundi sínum þann 17.september s.l. að fá verkefnastjóra til þess að kynna áætlun um svæðisbundna forgangsröðun aðgerða um farsæld barna á Norðurlandi eystra.

Þjónustusamningur við Fjallgarða um rekstur knattspyrnuvalla í Ólafsfirði rennur út á árinu.

Fyrir liggur tillaga að viðauka við rekstraráætlun vegna ársins 2026 vegna þriggja gjaldaliða, þ.e. fyrirhugaðs snjómoksturs haustið 2026 þar sem mikill kostnaður var við snjómokstur s.l vor, holræsahreinsun á Ólafsfirði sem er mun umfangsmeiri er gert hafði verið ráð fyrir og loks fyrir viðhald á tækjabúnaði, snjótroðurum og skíðalyftum á skíðasvæðinu í Skarðsdal. Á móti auknum kostnaði er lögð til lækkun á kostnaði við opin svæði og viðhald húseigna sem ekki gafst ráðrúm til þess að framkvæma í sumar.
Hækkun gjaldaliða í tillögunni er samtals 56 milljónir króna og lækkun á móti 13 milljónir þannig að heildaráhrif eru um 43 milljónir króna í aukinn rekstrarkostnað sem breytir niðurstöðu rekstraráætlunar sem því nemur.

Með afgreiðslu vísast til trúnaðarbókar.

Fyrir liggur erindi frá SSNE þar sem óskað er eftir staðfestingu á tilnefningu fulltrúa í svæðisráð haf - og strandsvæðaskipulags Eyjafjarðar. Fjallabyggð á ekki fulltrúa í svæðisráðinu en Þórir Hákonarson var tilnefndur í ráðið af hálfu Sambands íslenskra sveitarfélaga s.l. vor.

Fyrir liggur erindi frá Golfklúbbi Siglufjarðar þar sem óskað er eftir viðræðum við Fjallabyggð um leiðir til að bæta og efla golfiðkun í sveitarfélaginu, m.a. með aðkomu GKS að umhirðu vallarins og leiðir til að bæta barna - og unglingastarf.

Búið að opna fyrir umsóknir í Framkvæmdasjóð ferðamanna fyrir árið 2027 á heimasíðu Ferðamálastofu þar sem áherslur eru minna sótt svæði og lenging ferðatímabils.

Fyrir liggur greining Teya á Íslandi yfir kortaveltu erlendra korta á árunum 2025 og 2026 í tengslum við komur skemmtiferðaskipa í nokkrar hafnir á Íslandi í samstarfi við Cruise Iceland. Fjallabyggðarhafnir voru ekki í því úrtaki sem notað er í greiningunni en niðurstöðurnar gefa vísbendingar um hversu mikla þýðingu komur skemmtiferðaskipa hafa á veltu í viðkomandi sveitarfélögum. Ítarlegar niðurstöður má finna á heimasíðu Teya https://www.teya.com/is/blog/skemmtiferdaskipin-i-teya-tolum

Lagður fram til kynningar 165. fundur fræðslu- og frístundanefndar.