Bæjarráð Fjallabyggðar

Til fundarins mætti Kristján Hauksson, formaður Skíðafélags Ólafsfjarðar til þess að fara yfir starfsemi og rekstur skíðafélagsins, ásamt uppbyggingu og viðhaldi íþróttamannvirkja í Fjallabyggð.

Með fundarboði bæjarráðs fylgdi fjárhagsáætlun Fjallabyggðar fyrir árin 2025-2028.

Á 849. fundi bæjarráðs var lögð fram beiðni slökkviliðsstjóra Fjallabyggðar um afnot af húsnæði sveitarfélagsins við flugvöllinn á Siglufirði. Bæjarráð óskaði eftir greinargerð frá slökkviliðsstjóra um ástand húsnæðisins og mögulega viðhaldsþörf.
Með fundarboði bæjarráðs fylgdi greinargerð slökkviliðsstjóra.

Fræðslu- og frístundanefnd leggur til við bæjarráð að skipaður verði vinnuhópur sem hafi það að markmiði að skoða kosti og galla breytinga á starfsaðstæðum í Leikskóla.

Með fundarboði bæjarráðs fylgdi minnisblað tæknideildar varðandi aðstöðugám starfsmanns á gámasvæði Siglufjarðar.

Með fundarboði bæjarráðs fylgdi minnisblað formanns bæjarráðs um stöðu framkvæmda við vatnsveitu á Ólafsfirði.

Með fundarboði bæjarráðs fylgdi tölvupóstur sveitarstjóra Grýtubakkahrepps varðandi hugmyndir um sameiginlega skipulagsskrifstofu sveitarfélaga við Eyjafjörð.

Með fundarboði bæjarráðs fylgdu drög að breytingum á áður samþykktum reglum Barnaverndarþjónustu Mið-Norðurlands um veitingu fjárstyrks til greiðslu lögmannskostnaðar sbr. 47.gr. barnaverndarlaga nr. 80/2002. Breytingarnar voru unnar af aðilum fagráðs Barnaverndarþjónustu Mið-Norðurlands þann 7. október 2024. Breytingar á fyrrgreindum reglum snúa að nýju starfsheiti stjórnanda Barnaverndarþjónstunnar ásamt því að vísað er í viðmið um greiðslu til lögmanna svo ekki þurfi að uppfæra reglurnar árlega með tilliti til þeirra.

Mál frá nefndasviði Alþingis lögð fram til kynningar.

Með fundarboði bæjarráðs fylgdi fundargerð 7. verkfundar L-7 ehf. og Leyningsáss.

Með fundarboði bæjarráðs fylgdi fundargerð 145. fundar Fræðslu- og frístundanefndar Fjallabyggðar.