Ósk um úthlutun lóðar fyrir sjálfsafgreiðslustöð

Lagðar fram tillögur að staðsetningu lóða í Ólafsfirði og Siglufirði, fyrir sjálfsafgreiðslustöð Skeljungs hf.

Nefndin leggur til að úthlutuð verði lóð sunnan Námuvegar og vestan við Múlaveg í Ólafsfirði. Á Siglufirði leggur nefndin til að úthlutuð verði lóð nr. 3 samkvæmt tillögu tæknideildar sem er við innkeyrslu í bæinn að norðanverðu.

Á 178. fundi skipulags- og umhverfisnefndar frá 25. febrúar 2015 voru lagðar fram tillögur að staðsetningu lóða í Ólafsfirði og Siglufirði, fyrir sjálfsafgreiðslustöð Skeljungs hf.

Nefndin lagði til að úthlutuð yrði lóð sunnan Námuvegar og vestan við Múlaveg í Ólafsfirði. Á Siglufirði leggur nefndin til að úthlutuð verði lóð nr. 3 samkvæmt tillögu tæknideildar sem er við innkeyrslu í bæinn að norðanverðu.

Bæjarráð samþykkir að fela formanni bæjarráðs, bæjarstjóra og deildarstjóra tæknideildar að eiga fund með fulltrúum Skeljungs á grundvelli tillagna skipulags- og umhverfisnefndar um lóðir undir sjálfsafgreiðslustöðvar á Siglufirði og í Ólafsfirði fyrir Skeljung.

Lagt fram til kynningar bréf bæjarstjóra til Skeljungs um lóðir undir sjálfsafgreiðslustöðvar í Fjallabyggð svo uppfylla megi makaskiptasamning frá 2008.

Skipulags- og umhverfisnefnd Fjallabyggðar hefur lagt fram tillögu að staðsetningu lóða fyrir sjálfsafgreiðslustöð Skeljungs í Ólafsfirði og á Siglufirði.
Bæjarráð Fjallabyggðar hefur samþykkt þessa tillögu.

Í erindi Skeljungs, frá 28. apríl 2015, kemur fram að félaginu hugnist ekki sú staðsetning sem stungið var upp á og óskað eftir fundi með fulltrúum Fjallabyggðar vegna málsins.

Bæjarráð samþykkir að fela bæjarstjóra að boða fulltrúa Skeljungs á fund.

Bæjarráð vísar í svarbréf bæjarstjóra frá 5. mars 2015 og telur að með svarbréfinu hafi erindinu verið fullsvarað.

Lagður fram tölvupóstur frá lögmanni Skeljungs vegna umsóknar um lóð undir sjálfsafgreiðslustöð. Skeljungi hugnast ekki þær lóðir sem Fjallabyggð hefur lagt til.
Bæjarráð felur deildarstjóra tæknideildar að koma með tillögur að lóðum fyrir næsta fund bæjarráðs.

Undir þessum lið sat Ármann V. Sigurðsson deildarstjóri tæknideildar.

Deildarstjóri tæknideildar lagði fram samþykktar tillögur skipulags- og umhverfisnefndar um þrjár mögulegar lóðir á Siglufirði undir sjálfsafgreiðslustöð Skeljungs hf.

Bæjarráð sér sér ekki fært að verða við beiðni Skeljungs hf. um aðrar mögulegar lóðir og ítrekar afstöðu sveitarfélagsins um að ekki verði komið fyrir ofanjarðareldsneytistanki í Fjallabyggð nema á áður samþykktu svæði við Óskarsbryggju.

Á fundi bæjarráðs þann 11. júlí sl. var bókað að samkvæmt samþykkt skipulags- og umhverfisnefndar og bæjarstjórnar væru þrjár lóðir sem stæðu Skeljungi hf. til boða. Það er ekki alls kostar rétt. Fjallað var um þrjá kosti á fundi skipulags- og umhverfisnefndar en einn var samþykktur.

Bæjarráð felur tæknifulltrúa að senda Skeljungi hf. bókunina og ítrekar fyrri afstöðu bæjarstjórnar.