Bæjarráð Fjallabyggðar

Lögð fram bréfa- og tölvupóstsamskipti milli Prima lögmanna f.h. Brimnes hótels ehf. og bæjarstjóra Fjallabyggðar vegna göngustígs við Ólafsfjarðarvatn. Í bréfi lögmanna Brimnes hótels dags. 28.6.2017 er framkvæmdum á lóð félagsins mótmælt og þess krafist að Fjallabyggð fjarlægi malarstíg á austurhluta lóðarinnar. Í svarbréfi bæjarstjóra dags. 30.6.2017 er bent á að ekki er um lóðarleigusamning að ræða heldur samning um afnot. Því hafi Fjallabyggð fullan rétt á því að leggja göngustíg á lóðinni. Lagt er til að bæjarfélagið gróðursetji trjágróður vestan við stíginn til þess að sjónlína gangandi vegfarenda verði ekki beint á sumarhúsin við Hornbrekkubót.
Í tölvupósti frá lögmönnum Brimnes hótels hf. dags. 30.6.2017 er óskað eftir því að fundur verði haldinn um legu göngustígsins og gróðursetningu og framkvæmdum verði frestað þar til að lausn hefur verið fundin á málinu. Fyrirhugað er að fundurinn verði haldinn 6. júlí nk.

Bæjarráð samþykkir fyrirliggjandi samning og styrk til Skógræktarfélagsins að upphæð kr. 100.000 vegna móttöku erlendra gesta. Sá styrkur færist af lið 21520.

Ársreikningur Hornbrekku hjúkrunar- og dvalarheimilis fyrir árið 2016 lagður fram til undirritunar.

Lagður fram tölvupóstur frá lögmanni Skeljungs vegna umsóknar um lóð undir sjálfsafgreiðslustöð. Skeljungi hugnast ekki þær lóðir sem Fjallabyggð hefur lagt til.
Bæjarráð felur deildarstjóra tæknideildar að koma með tillögur að lóðum fyrir næsta fund bæjarráðs.

Lögð fram umsókn Félags eldri borgara á Siglufirði um svokallaða “Fógetalóð" á Siglufirði til gerðar púttvallar. Í bréfinu kemur fram að félaginu hafi verið veittur styrkur frá Samfélags- og menningarsjóði Siglufjarðar að upphæð kr. 2.340.000.-.

Bæjarráð felur deildarstjóra tæknideildar að ræða við forsvarsmenn/ félagsmenn um mögulega staðsetningu púttvallarins á Siglufirði.

Lögð fram beiðni frá Sýslumanninum á Norðurlandi eystra dags. 26. júní 2017, er varðar umsókn um rekstrarleyfi til veitingu veitinga fyrir Rebel sf kt.620285-0219, Suðurgötu 10, 580 Siglufirði.

Bæjarráð samþykkir rekstrarleyfið fyrir sitt leyti.

Bæjarráð samþykkir að veita landssöfnuninni styrk að upphæð kr. 100.000.- færist af liðnum risna og gjafir.

Bæjarráð felur deildarstjóra tæknideildar að svara erindinu.

Velferðarnefnd Alþingis sendir til umsagnar frumvarp til laga um félagsþjónustu sveitarfélaga (innleiðing samnings SÞ um réttindi fatlaðs fólks, stjórnsýsla og húsnæðismál), 439. mál.

Lagt fram til kynningar.

Velferðarnefnd Alþingis sendir til umsagnar frumvarp til laga um þjónustu við fatlað fólk með miklar sérþarfir, 438. mál.

Lagt fram til kynningar.

Bæjarráð staðfestir fundargerðir yfirkjörstjórnar frá 20.júní 2017, markaðs- og menningarnefndar 28. júní 2017 og félagsmálanefndar 29. júní 2017.