Fréttir

Nýr starfsmaður hefur hafið störf við félagsþjónustuna.Starfsmaðurinn heitir Júlía Sæmundsdóttir og er félagsráðgjafi að mennt. Júlía tók formlega til starfa þriðjudaginn 6. október og verður hún með starfsaðstöðu á bæjarskrifstofunni í Ólafsfirði. Við bjóðum Júlíu velkomna í Fjallabyggð.

Þeir íbúar, félagasamtök og fyrirtæki í Fjallabyggð sem vilja koma með erindi, tillögur og/eða ábendingar er varða fjárhagsáætlun 2010 eru hvattir til að koma þeim til bæjarstjóra í síðasta lagi 19. október 2009. Þeir einstaklingar og félagasamtök sem hafa hug á að sækja um styrki eða framlög vegna starfsemi ársins 2010 er bent á að senda inn umsóknir til bæjaryfirvalda í síðasta lagi 19. október n.k.

Í lok ágúst voru opnuð tilboð í sorphirðu í Fjallabyggð, tilboð bárust frá þremur aðilum og nokkur frávikstilboð frá þeim þar að auki.

Flugfélagið Ernir hefur ákveðið að fjölga flugferðum milli Reykjavíkur og Sauðárkróks um tvær ferðir í viku. Flogið verður á mánudögum sem ekki hefur verið gert áður og aukaflug verður á föstudögum.

Framkvæmdum við Héðinsfjarðargöng skal að fullu lokið 30.september 2010 samkvæmt nýju samkomulagi sem skrifað var undir fyrir helgina að hálfu Vegargerðarinnar og verktaka við göngin

Helgi Þorbjörn Svavarsson, nýr verkefnisstjóri hefur verið ráðinn til Símeyjar, Símenntunarmiðstöð Eyjafjarðar. Hans starfssvæði er Ólafsfjörður, Dalvík og Grenivík.

Bæjarfulltrúar og bæjarstjóri áttu fjarfund með fjárlaganefnd Alþingis í dag 29. september 2009, þar sem farið var yfir atriði sem Fjallabyggð vill fylgja eftir gagnvart framkvæmdavaldinu.

Þó nokkuð er um að hundar gangi lausir í þéttbýli í Fjallabyggð þrátt fyrir að það sé bannað samkvæmt samþykktum sveitarfélagsins um hundahald. Leyfilegt er að sleppa hundum lausum utan þéttbýlis í sveitarfélaginu, en þeir þurfa ávallt að vera í fylgd eiganda eða annarra sem hafa fulla stjórn á þeim. Innan þéttbýlisins eiga hundar alltaf að vera í taumi, hvort sem er á göngu eða í görðum eigenda.

Stofnun Árna Magnússonar í íslenskum fræðum, Menningarráð Eyþings og Urðarbrunnur (félag sem Hið þingeyska fornleifafélag, Þingeyskur sagnagarður og Fornleifaskóli barnanna standa að) gangast fyrir fundi um örnefni og örnefnasöfnun á Norðurlandi eystra miðvikudaginn 23. september, kl. 20.30 í Litlulaugaskóla í Reykjadal, Þingeyjarsýslu.

Eins og fram hefur komið hjá okkur þá er verið að fara í framkvæmdir við sundlaugina í Ólafsfirði.