Fréttir

Nokkur umfjöllun hefur verið í fjölmiðlum um tillögu fræðslunefndar um framtíð fræðslumála í Fjallabyggð. M.a. var rætt við Kristján Hauksson formann fræðslunefndar í fréttum svæðisútvarpsins í gær. Hægt er að hlusta á viðtalið hér:

Í dag verður dreift í hús nýju fréttabréfi Fjallabyggðar. Meðal efnis í fréttabréfinu eru greinar um sorpmálin og fræðslumálin. Hægt er að skoða fréttabréfið hér: http://www.fjallabyggd.is/skrar/.pdf/frettabref_desi_2009_skjal.pdf

Fræðslunefnd Fjallabyggðar hefur lagt fram tillögur að framtíðarskipan fræðslumála í sveitarfélaginu. Í þeim felst að grunnskólarnir á Siglufirði og í Ólafsfirði verði sameinaðir í eina stofnun, leikskólarnir í eina og tónskólar í eina. Tillögurnar hafa verið kynntar bæjarstjórn og á fundi hennar í gær var samþykkt að kynna þær fyrir almenningi. Stefnt er að kynningarfundum í fyrstu vikum janúarmánaðar á komandi ári.

Búið er að uppfæra síðurnar um sorphirðu og sorpflokkun. Þar má nú finna svör við ýmsum spurningum um flokkunina og sorphirðufyrirkomulagið, auk annars fróðleiks um þessi mál.

Opunartími íþróttamiðstöðva yfir hátíðarnar verður eftirfarandi:

Af gefnu tilefni vilja verktakafyrirtækin Háfell og Metrostav koma því á framfæri að Héðinsfjarðargöng eru lokað vinnusvæði og umferð óviðkomandi um þau er stranglega bönnuð á öllum tímum og verður svo út framkvæmdartímann.

Nú hefur Skotfélag Ólafsfjarðra bæst í hóp þeirra íþróttafélaga sem hafa fengið undirsíðu hjá Fjallabyggð. slóðin þangað er http://sko.fjallabyggd.is/

Nú er búið að setja inn sérstaka síðu hér um sorpmál. Þar eru teknar saman ýmsar upplýsingar um málefnið. Þar má t.d. finna algengar spurningar varðandi sorpflokkun. Hægt er að smella á "Sorphirða" hnappinn hér til vinstri eða smella hér til að skoða síðuna.

Nemendur í 7. bekk við Grunnskóla Siglufjarðar unnu til verðlauna í norrænu loftslagskeppninni sem haldin var dagana 11.-17. nóvember.