Fréttir

Af gefnu tilefni vill Fjallabyggð benda á að akstur utan vega er ólöglegur sbr. reglugerð nr. 528/2005 um takmarkanir á umferð í náttúru Íslands.  Undantekning frá þessu er akstur „á jöklum svo og snævi þakinni og frosinni jörð svo fremi að ekki skapist hætta á náttúruspjöllum“. Akstur óskráðra torfærutækja utan viðurkenndra akstursíþróttabrauta er að sama skapi ólöglegur.

Nemendur framhaldsdeilda VMA í Ólafsfirði og Siglufirði mættu í skólann í fyrsta sinn í dag. Bergþór Morthens framhaldsskólakennari tók á móti nemendum á Siglufirði og Margrét Lóa Jónsdóttir framhaldsskólakennari tók á móti nemendum í Ólafsfirði.

Frá og með 1. september 2009 verður skrifstofan í Ólafsfirði opin frá kl. 9:00 til kl. 13:00 alla daga, en þó til kl. 15.:00 á þriðjudögum, en þá er sýslumaður til viðtals, að forfallalausu.

Búið er að ráða Bergþór Morthens framhaldsskólakennara til að vera umsjónarkennari framhaldsdeildarinnar á Siglufirði. Námsverið verður í húsi Einingar-Iðju, Eyrargötu 24b.

Byggðakvóti til fiskiskipa Fjallabyggðar hefur verið auglýstur til úthlutunar.  

Byrjað er að keyra efni í snjóflóðavarnargarðana við Hornbrekku. Efnið er flutt á vörubílum frá göngum eftir Aðalgötu og Ægisgötu og upp að Hornbrekku. Reikna má með um 20 – 40 ferðum fram og til baka yfir hvern klukkutíma.

Þann 1. júní sl. fór formlega af stað stórt og fjölþjóðlegt verkefni á vegum Þjóðlagasetursins hér á Siglufirði og Fjallabyggðar, styrkt af Norðurslóðaáætlun Evrópusambandsins og Norrænu menningargáttinni.

Laugardaginn 1. ágúst næstkomandi kl 13:00 verður myndlistasýningin Lífsmörk - Útmörk opnuð í Sýningarsal Ráðhúss Siglufjarðar. Alls sjö listamenn taka þátt í sýningunni.

Alþjóðleg  Swingdans- og tónlistarhátíð verður í Tjarnarborg  Ólafsfirði. Vakin verður upp millistríðsárastemning og spilað verður alvöru gullaldar swing jazz á borð við Ellu Fitzgerald, Louise Armstrong, Duke Ellington, Count Basie, Benny Goodman o.s.frv. Swingdanshátíðin á Íslandi á sér eingöngu stað í Reykjavík og í Ólafsfirði

Félagsráðgjafi óskast til starfa við félagsþjónustu Fjallabyggðar   Helstu verkefni félagsþjónustu Fjallabyggðar eru; félagsleg ráðgjöf, barnavernd, þjónusta við aldraða, forvarnarmál, auk þess sem málefni fatlaðra heyrir undir félagsþjónustu sveitarfélagsins.  Unnið er með öðrum fagstéttum í þverfaglegum teymum og áhersla lögð á samvinnu og sjálfstæð vinnubrögð.