Fréttir

Bæjarráð hefur samþykkt að fara að uppástungu Svandísar Svavarsdóttur, umhverfisráðherra, um nafn á samkomusvæði snjóflóðagarðanna ofan Hafnarrípils. Samkomusvæðið mun því framvegis bera nafnið "Ríplabás".

Þann 7. júlí sl. voru snjóflóðavarnagarðarnir fyrir ofan Siglufjörð vígðir með viðhöfn að viðstöddu fjölmenni. Við þetta tækifæri voru görðunum gefin nöfn sem dómnefnd valdi úr hópi níu tillagna sem bárust í nafnasamkeppni. Tillögurnar sem urðu fyrir valinu komu frá Örnefnafélaginu Snóki.

Þvergarðarnir ofan byggðarinnar í Siglufirði verða vígðir þriðjudaginn 7. júlí kl. 18:00. Vígsluathöfn verður á samkomusvæðinu ofan við garð 2, sem er norðan við syðsta hluta Hávegar.

Sigurjón Sigtryggsson hefur undarfarna daga tekið þátt í Keppni í frjálsum íþróttum á Norræna barna- og unglingamótinu í Eskilstuna. Vann hann til silfurverðlauna í kúluvarpi og í 100m hlaupi. Þá vann hann einnig til gullverðlauna í 400m hlaupi.

Verkefnisstjórar og stundakennarar við utanverðan Eyjafjörð. Auglýst er eftir verkefnisstjórum til að hafa umsjón með nemendum í framhaldsskólanámi á Ólafsfirði og Siglufirði næsta haust. Um er að ræða starf sem fólgið er í að halda utan um nemendahópinn á hvorum stað og vera honum til aðstoðar við fjarnám sem nemendur munu stunda við VMA. Gert er ráð fyrir u.þ.b. ½ stöðugildi á hvorum stað.

Bikarmót í mótorkross á vegum Mótorhjóla & snjósleðaíþróttasamband Íslands verður laugardaginn 27. júní nk. í ný endurbættri og lengdri braut Ólafsfirðinga.

Gísli Rúnar Gylfason hefur sett upp síðuna www.625.is. Um er að ræða mannlífs- og upplýsingasíðu (byggða á svipuðum hugmyndum og www.sksiglo.is).

Fjórar seglskútur luku siglingakeppninni Midnight Sun Race sem fór fram á Siglufirði 20. – 21. júní. Siglt var frá Siglufirði og hringinn í kring um Grímsey og aftur til baka til Siglufjarðar.

Á morgun kl. 18:00 verða keppendur í alþjóðlegu siglingakeppni Midnight Sun Race á Siglufirði ræstir. Erlendu skúturnar eru lagstar við bryggju á Siglufirði og setja svip sinn á bæinn.