Fréttir

Nú er komið að því að opna skíðasvæðið í Skarðsdal. Fyrsti opnunardagur verður laugardaginn 5. des Við opnum kl 10 og verðum með opið til kl 16. Frítt verður fyrir alla fyrsta daginn. Það hefur snjóað töluvert hjá okkur, vinna stendur yfir á öllum svæðum og snjór er mis mikill eftir svæðum, nánari upplýsingar þegar líður nær helginni inn á heimasíðu skíðasvæðisins: http://skard.fjallabyggd.is    

Síðari „hundahreinsun“ verður í áhaldahúsi Fjallabyggðar Siglufirði, fimmtudaginn  10. desember 2009 frá klukkan  15.00  til  18.00

Síðari hundahreinsun og sprautu meðferð hunda  í Ólafsfirði sem átti að vera í dag, frestast til föstudags vegna veðurs.

Vélsmiðja Einars Ámunda hefur hannað tunnufestingar fyrir þær þrjár tunnur sem Fjallabyggð er að fara að taka í gagnið á næstunni.  

Fullt er orðið á markaðinum í Tjarnarborg á laugardaginn. Enn er hægt að fá pláss í jólahúsunum fyrir söluvörur eða kynningar án gjalds. Nú er tækifæri til að skapa alvöru jólastemningu utandyra. Áhugasamir hafi samband við Karítas menningarfulltrúa í síma 464 9208 eða á karitas@fjallabyggd.is

Markaðsátaks fyrir jólin, með verslunum, þjónustuaðilum, handverks- og listamönnum. Eins og í fyrra er ætlunin gefa út sameignlegan auglýsingabækling með jólagjafahugmyndum sem hægt er fá í Fjallabyggð. Hugmyndin er hvetja íbúa Fjallabyggðar til að versla í heimabyggð fyrir jólin og halda sem mestu fjarmagni í heimabyggð. Vinna og kostnaður við bæklinginn verður á hendi Fjallabyggðar.

Að gefnu tilefni skal það tekið fram að engin umræða hefur átt sér stað í bæjarkerfinu um að leggja niður skíðalyftu/svæði í Ólafsfirði og færa til Siglufjarðar. Slíkt stendur ekki til og hefur ekki gert. Gísli Rúnar Gylfason Íþrótta- og tómstundafulltrúi

Þeir aðilar sem vilja selja vörur sínar í jólahúsunum í Ólafsfirði sem vígð verða 28. nóvember hafi samband við Karítas í síma 464 9200 eða á netfangið karitas@fjallabyggd.is.

Undanfarin ár hafa einstaklingar, félagasamtök og fyrirtæki í Fjallabyggð skapað góða jólastemmningu yfir aðventuna. Aðventudagskrá hefur birst árlega í Tunnunni þar sem hægt er að sjá allt það sem er í boði. Nú er kominn tími til að huga að aðventunni í ár og því eru allir þeir sem ætla að standa fyrir viðburðum, beðnir að hafa samband við fræðslu- og menningarfulltrúa fyrir 17. nóvember nk. í síma 464 9200 eða á netfangið; karitas@fjallabyggd.is