Fréttir

Þessa dagana stendur yfir Fjöllistasýning í Listhúsi Ólafsfjarðar, en þar sýnir Ólafsfirðingurinn Helga Luna Kristinsdóttir m.a. fatnað, málverk og ýmsa listmuni.

Á sameiginlegum fundi skólanefndar og byggingarnefndar hins nýja framhaldsskóla, fyrr í dag, voru þau ánægjulegu tíðindi staðfest að fengist hefði samþykki menntamálaráðuneytis fyrir að bjóða upp á nám á framhaldsskólastigi á Siglufirði og í Ólafsfirði næsta vetur. Nemendum býðst að stunda fjarnám með stuðningi og utanumhaldi í heimabyggð.

Þann 23. maí sl. var haldið íbúaþing í Fjallabyggð undir kjörorðunum "Horft til framtíðar". Um 40 íbúar og aðrir áhugamenn um þróun og rekstur sveitarfélagsins mættu og ræddu málefni samfélagsins og sveitarfélagsins. Starfsmenn Fjallabyggðar þakka þátttakendum á þinginu fyrir þá vinnu sem þeir lögðu á sig þar.