Fréttir

Kynning á starfsemi Alzheimersamtakanna, fræðsla um heilabilunarsjúkdóma, spurningar og spjall.

Norðurlandsmótið í Boccia var haldið síðastliðinn laugardag í Íþróttahöllinni á Húsavík og mættu 24 keppendur, eldriborgara og fatlaðra frá Snerpu á Siglufirði.

Dýralæknir verður í Fjallabyggð sem hér segir: Námuvegi 11 (Olís portið) Ólafsfirði mánudaginn 21. nóvember kl:13:00-15:00 Áhaldahúsinu Siglufirði mánudaginn 21. nóvember kl:16:00-18:00

Lið Fjallabyggðar gjörsigraði Seltjarnarnes í Útsvari. Þau Halldór Þormar, Guðrún og Jón Árni mættu til leiks í Útsvar í fyrsta sinn þennan veturinn föstudagskvöldið þann 11. nóvember og voru andstæðingarnir lið Seltjarnarnes, skipað þeim Karli Pétri Jónssyni, Sögu Ómarsdóttur og Stefáni Eiríkssyni.

Haukur Orri Kristjánsson, nemandi á félags- og hugvísindabraut í MTR hefur tekið sæti í nýstofnuðu ungmennaráði Menntamálastofnunar. Í ungmennaráði stofnunarinnar situr fólk á aldrinum 14-18 ára í samræmi við þann vilja hennar að taka tillit til skoðana ungs fólks og gera það að þátttakendum í ákvörðunum stofnunarinnar. Haukur Orri er fulltrúi UMFÍ í ungmennráðinu ásamt Ástþóri Jóni Tryggvasyni frá Ungmennasambandi Vestur-Skaftafellssýslu. Þar sitja einnig fulltrúar frá Barnaheillum, SAFT, Samfés, Unicef, umboðsmanni barna og Sambandi íslenskra sveitarfélaga. Sjá nánar um ungmennaráð Menntamálastofnunar hér: https://www.mms.is/frettir/stofnun-ungmennarads-menntamalastofnunar

Umhverfis- og tæknideild Fjallabyggðar fyrir hönd fræðslu- frístunda- og menningarmáladeildar Fjallabyggðar óskar eftir tilboðum í reglulega ræstingu og sumarhreingerningu í Leikskóla Fjallabyggðar samkvæmt útboðslýsingu.

Í gær, fimmtudaginn 3. nóvember, var formlega tekin í notkun viðbygging við leikskólann Leikskála á Siglufirði.

Nú er hafin tíunda þáttaröðin af spurningaþættinum Útsvari. Keppnin þetta árið hófst af krafti þegar Fljótsdalshérað og Fjarðabyggð mættust í fyrstu viðureign vetrarins í september sl. Þau mættust í undanúrslitum í vor þar sem Fljótsdalshérað sigraði en í þetta sinn hafði Fjarðabyggð betur.