Stýrihópur Heilsueflandi samfélags

Nemendur í Grunnskóla Fjallabyggðar koma almennt vel út í samanburði við önnur nágrannasveitarfélög þegar kemur að almennri hreyfingu. En ljóst er að það er áskorun að viðhalda áhuga nemenda þegar kemur á unglingsárin hér eins og víða annars staðar.

Nefndarmenn fóru yfir hin ýmsu mál er varðar áherslur næsta árs og telja mikilvægt að nýta sem flesta viðburði sem haldnir eru árlega auk þess sem vert er að setja á dagskrá fleiri heyfidaga sem allir geta tekið þátt í.
Nefndin mun hittast aftur í janúar og setja þá niður áherslur komandi árs og birta í framhaldinu dagatal þar sem íbúar geta fylgst með hvað er á döfinni.

Nefndarmenn taka undir hvatningu UMFÍ þar sem lögð er áhersla á að styrkja þátttöku og aðstöðu fyrir íþróttastarf og heilsueflingu allra aldurshópa sem og aukna fræðslu í tengslum við forvarnir.

Helstu niðurstöður sem eru frábrugðnar á Norðurlandi miðað við aðra landshluta eru:

Virkur ferðamáti fullorðinna algengari
Vísbending um að hærra hlutfall nemenda í 10. bekk hreyfi sig samkvæmt ráðleggingum
Vísbending um að ölvunardrykkja í 10. bekk sé fátíðari
Hlutfall íbúa 80 ára og eldri hærra
Fleiri sem meta líkamlega og andlega heilsu sína sæmilega eða lélega
Þátttaka í bólusetningum fjögurra ára barna fer minnkandi milli ára

Lagt fram til kynningar.

Áhugaverð skýrsla sem fer yfir lýðheilsuvísa í ítarlegu máli og hvað lagt er til grundvallar mælingum.