Skipulags- og umhverfisnefnd Fjallabyggðar

202. fundur 06. júlí 2016 kl. 17:00 Ólafsvegi 4, Ólafsfirði
Nefndarmenn
  • Guðmundur J Skarphéðinsson formaður, F lista
  • Nanna Árnadóttir aðalmaður, S lista
  • Jón Valgeir Baldursson aðalmaður, B lista
  • Ármann Viðar Sigurðsson deildarstjóri tæknideildar
  • Andri Þór Andrésson tæknifulltrúi
Fundargerð ritaði: Andri Þór Andrésson Tæknifulltrúi

1.Beiðni um lagfæringu á gangstétt

Málsnúmer 1606059Vakta málsnúmer

Guðný Helga Kristjánsdóttir sendir inn beiðni um að partur af gangstétt við Túngötu verði löguð og að fyllt verði upp í rennu milli götu og gangstéttar.

Nefndin tekur jákvætt í erindið og beinir því til tæknideildar að endurnýja gangstéttina ef að það rýmist innan fjárheimilda 2016 að öðrum kosti vísað til fjárhagsáætlunar 2017.

2.Umsókn um byggingarleyfi - ósk um breytta notkun á húsnæði að Hávegi 2b

Málsnúmer 1607011Vakta málsnúmer

Lagðir fram aðaluppdrættir ásamt byggingarleyfisumsókn fyrir Háveg 2b, Siglufirði.

Erindi samþykkt.

3.Deiliskipulag miðbæjar Siglufjarðar

Málsnúmer 1601077Vakta málsnúmer

Tillaga að skipulagslýsingu vegna fyrirhugaðrar vinnu við nýtt deiliskipulag miðbæjarins á Siglufirði.

Nefndin samþykkir skipulagslýsinguna og felur tæknideild að auglýsa hana.

4.Fiskmarkaður Siglufjarðar - erindi vegna stækkunar

Málsnúmer 1606069Vakta málsnúmer

Erindi frá Fanney Hauksdóttur arkitekts f.h. Fiskmarkaðs Siglufjarðar.
Óskað er eftir samþykki á tillögu að byggingarreit fyrir stækkun húsnæðis Fiskmarkaðar Siglufjarðar á Hafnarbryggju, Siglufirði.

Erindi samþykkt.

5.Óásjáleg hús og lóðir

Málsnúmer 1507015Vakta málsnúmer

Samkvæmt bréfi frá Brynju Baldursdóttur dagsett 20. ágúst 2015 varðandi sjónmengun vegna vinnupalla við Grundargötu 3 var þar talað um að þeir yrðu teknir niður á árinu 2016.

Umræða var um ástand húsa í Fjallabyggð. Nefndin felur tæknideild að senda út áminningarbréf til húseigenda þar sem aðkallandi viðhalds er þörf.

6.Ósk um leyfi til niðurrifs á fasteign nr. 223-7330 í landi Syðri-Gunnólfsár

Málsnúmer 1606063Vakta málsnúmer

Sigurbjörg Ingvadóttir sækir um leyfi til niðurrifs á frístundahúsi, fasteignanr. 223-7330 á lóð 179620 í landi Syðri-Gunnólfsár í Ólafsfirði.

Nenfndin samþykkir erindið.

7.Umsókn um byggingarleyfi - Gránugata 13b Siglufirði

Málsnúmer 1602016Vakta málsnúmer

Bæjarráð samþykkti á 452. fundi að fela skipulags- og umhverfisnefnd að leita lausnar á málinu með lóðarhafa.

Nefndin leggur til að viðbyggingin verði 17,8m í stað 21,8m og felur tæknideild að grenndarkynna tillöguna hlutaðeigandi aðilum.

8.Lóðarmörk Tjarnagötu 16, 18 og 20, Siglufirði

Málsnúmer 1603107Vakta málsnúmer

Skipulags- og umhverfisnefnd dregur til baka bókun sína frá 199. fundi nefndarinnar varðandi umferðarrétt um lóðina Tjarnargötu 16. Í ljósi nýrra upplýsinga um hefðarrétt á umferð um vegslóða austan Tjarnargötu 16. Þetta gildir einnig fyrir Tjarnargötu 18 og 20.
Nefndin felur deildarstjóra tæknideildar að leita samninga við lóðarhafa Tjarnargötu 18 og 20 um skerðingu á lóðum þeirra vegna umferðarréttarins. Varðandi Tjarnargötu 16 er lögmaður Fjallabyggðar með það mál í vinnslu á sömu forsendum og fyrir aðra lóðarhafa.

9.Ástand húss við Aðalgötu 6

Málsnúmer 1408047Vakta málsnúmer

Umræða um ástand húsa í Fjallabyggð.

Skipulags- og umhverfisnefnd Fjallabyggðar mótmælir harðlega þeim seinagangi sem verið hefur á lagfæringum á fasteigninni við Aðalgötu 6 Siglufirði og krefst þess að lögfræðingur Fjallabyggðar gangi hart eftir að innheimta þær dagsektir sem áfallnar eru og fylgi því eftir með fjárnámi og nauðungaruppboði fáist þær ekki innheimtar.
Að mati nefndarinnar er með öllu ólíðandi að fasteignaeigendur komist upp með þá háttsemi sem viðhöfð hefur verið við þessa fasteign.

10.Ástand húss við Hverfisgötu 17 Siglufirði

Málsnúmer 1506013Vakta málsnúmer

Umræða um ástand húsa í Fjallabyggð.

Skipulags- og umhverfisnefnd Fjallabyggðar mótmælir harðlega þeim seinagangi sem verið hefur á lagfæringum á fasteigninni við Hverfisgötu 17 Siglufirði og krefst þess að lögfræðingur Fjallabyggðar gangi hart eftir að innheimta þær dagsektir sem áfallnar eru og fylgi því eftir með fjárnámi og nauðungaruppboði fáist þær ekki innheimtar.
Að mati nefndarinnar er með öllu ólíðandi að fasteignaeigendur komist upp með þá háttsemi sem viðhöfð hefur verið við þessa fasteign.

11.Auglýsing - Styrkir úr húsfriðunarsjóði vegna verndarsvæða í byggð.

Málsnúmer 1606070Vakta málsnúmer

Auglýsing frá Minjastofnun varðandi styrki úr húsfriðunarsjóði vegna verndarsvæða í byggð.

Erindi lagt fram til kynningar.

12.Landsskipulagsstefna 2015-2026

Málsnúmer 1606062Vakta málsnúmer

Bréf frá Skipulagsstofnun, það sem vakin er athygli á Landsskipulagsstefnu 2015-2026 og fyrirhugaðri kynningu hennar.

Erindi lagt fram til kynningar.

13.Rekstraryfirlit maí 2016

Málsnúmer 1606067Vakta málsnúmer

Rekstraryfirlit maí 2016 til kynningar.

Fundi slitið.