Öldungaráð Fjallabyggðar

Rætt um starfssvið öldungaráðs og fundahöld. Húsnæðismál, félagsmál og heilbrigðismál eru aðalviðfangsefni ráðsins. Óskað er eftir því við bæjarráð að öldungaráðið fái til umsagnar mál er varða þennan hóp sérstaklega. Einnig rætt um að ráðið taki upp frumkvæðismál.

Almenn ánægja er með hversu mikið úrval er af afþreyingu fyrir eldra fólk í Fjallabyggð.

Á formannafundi LEB sem haldinn var á Varmalandi 23. - 24. september mættu 53 formenn af 59.
Þing verður haldið annað hvert ár á móti formannafundum.
Aðaláherslan á fundinum var á kjara- og húsnæðismál eldra fólks.

Öldungaráð hvetur bæjarstjórn til að huga að þeim hópi sem lakast hefur það í sveitarfélaginu og hvernig bæta megi aðstæður þeirra.

Hjúkrunarfræðingur fór yfir breytingar vegna heilsueflandi heimsókna til 80 ára og eldri sem hefur verið hætt en heilsueflandi mótttaka fyrir þennan hóp verður á heilsugæslunni.
Verður auglýst fljótlega. En sökum sameiningar heilsugæslunnar eru breytingar á yfirstjórn og starfsfólk að setja sig inn í verkefnin.
Hún upplýsti einnig um breytingar sem hafa orðið vegna blóðtöku og fleira.