Öldungaráð - Önnur mál 2025.

Málsnúmer 2502023

Vakta málsnúmer

Öldungaráð Fjallabyggðar - 9. fundur - 01.10.2025

Elín Arnardóttir, hjúkrunarfræðingur, fór yfir breytingar vegna heilsueflandi heimsókna til 80 ára og eldri.
Lagt fram til kynningar
Hjúkrunarfræðingur fór yfir breytingar vegna heilsueflandi heimsókna til 80 ára og eldri sem hefur verið hætt en heilsueflandi mótttaka fyrir þennan hóp verður á heilsugæslunni.
Verður auglýst fljótlega. En sökum sameiningar heilsugæslunnar eru breytingar á yfirstjórn og starfsfólk að setja sig inn í verkefnin.
Hún upplýsti einnig um breytingar sem hafa orðið vegna blóðtöku og fleira.

Öldungaráð Fjallabyggðar - 11. fundur - 08.09.2026

Kynning á félagsstarfi eldri borgara
Lagt fram til kynningar
Umsjónarkonur félagsstarfs eldra fólks í Fjallabyggð komu á fund öldungaráðs og kynntu starfsemina.

Helga Hermannsdóttir kynnti dagdvöl og félagsstarf í Skálarhlíð í máli og myndum. Starfið er fjölbreytt og þátttaka almennt góð. Um 35 manns nýta sér hádegisverð að staðaldri, bæði fólk utan úr bæ og íbúar en 25 íbúar búa í Skálarhlíð.

Gerður Ellertsdóttir kynnti dagdvöl og félagsstarf á Hornbrekku, þar sem þátttaka er einnig góð. Ýmis verkefni og viðburðir eru hluti af starfinu. Börn frá leikskólanum koma í heimsókn einu sinni í mánuði og fyrirhugað er að Stúlli og Stebbi Villi komi mánaðarlega og leiki og syngi fyrir gesti. Framundan er meðal annars kráarkvöld 23. október auk dagskrár með bleiku þema.

Öldungaráð þakkar Helgu og Gerði fyrir góða kynningu og lýsir ánægju með það fjölbreytta félagsstarf sem í boði er fyrir eldra fólk í Fjallabyggð.


Öldungaráð Fjallabyggðar - 12. fundur - 03.11.2026

Önnur mál öldungaráðs.
Fyrirspurn frá eldri borgurum vegna snjómoksturs við hús þegar mikið snjóar og fólk kemst ekki út úr húsum sínum. Hefur sveitarfélagið einhver tök á að bregðast við eða fá einhverja til þess?

Óskað er svara við:

Hversu margir eldri borgarar í Fjallabyggð njóta afsláttar af fasteignagjöldum og hverjar eru reglurnar fyrir slíkum afslætti.

Hversu margir íbúar eru 67 ára og eldri í Fjallabyggð og hversu margir eru á aldrinum 60 ára til 66 ára.

Minnt er á beiðni frá fundi frá 8. sept. 2026 mál 2609011 en þar segir:

Ósk félags eldri borgara á Siglufirði um að könnuð verði þörf á húsnæði fyrir eldra fólk.
Vísað til bæjarráðs
Félag eldri borgara á Siglufirði lagði fram erindi varðandi húsnæðismál eldra fólks í Fjallabyggð. Í erindinu er óskað eftir því að bæjarráð láti kanna þörf og áhuga meðal íbúa 60 ára og eldri á sérstökum búsetuúrræðum fyrir aldurshópinn, hvort sem um er að ræða leigu- eða kaupleiðir.

Öldungaráð tekur undir erindið og beinir því til bæjarráðs að kannaður verði áhugi og þörf fyrir slíkt húsnæði í Fjallabyggð.

Bæjarráð Fjallabyggðar - 940. fundur - 12.11.2026

Fyrir liggja fyrirspurnir frá eldri borgurum er teknar voru fyrir á fundi Öldungaráðs.

Fyrirspurn frá eldri borgurum vegna snjómoksturs við hús þegar mikið snjóar og fólk kemst ekki út úr húsum sínum. Hefur sveitarfélagið einhver tök á að bregðast við eða fá einhverja til þess?

Jafnframt er óskað svara við:

Hversu margir eldri borgarar í Fjallabyggð njóta afsláttar af fasteignagjöldum og hverjar eru reglurnar fyrir slíkum afslætti?

Hversu margir íbúar eru 67 ára og eldri í Fjallabyggð og hversu margir eru á aldrinum 60 ára til 66 ára?
Vísað til afgreiðslu starfsmanns
Bæjarráð þakkar eldri borgurum og Öldungaráði fyrir þessar fyrirspurnir.
a) Snjómokstur
Fjallabyggð hefur enga aðila á sínum snærum til að sjá um snjómokstur heim að húsum hjá eldri borgurum og þeim sem eiga erfitt með að sinna þessu sjálf. En reynt hefur verið að bregðast við ef upp hafa komið atvik þar sem aðkomu t.d. sjúkrabíla er óskað og snjór hamlar för. Bæjarráð bendir á að oft hafa félagasamtök, hópar og einstaklingar í Fjallabyggð boðið fram þjónustu sína með snjómokstur heim að húsum hjá fólki gegn greiðslu.

b ) Árið 2026 voru 114 einstaklingar sem fengu afslátt af fasteignagjöldum í samræmi við reglur þar um. Reglurnar eru birtar á heimasíðu Fjallabyggðar og eru meðfylgjandi fyrir árið 2026.

c ) Íbúar 67 ára eða eldri í Fjallabyggð eru 410 árið 2026 skv. tölum frá Hagstofu og finna má á heimasíðu stofnunarinnar. Íbúar á aldrinum 60 - 66 ára eru samtals 218.