Hafnarstjórn Fjallabyggðar

70. fundur 01. júní 2015 kl. 17:00 Ólafsvegi 4, Ólafsfirði
Nefndarmenn
  • Ólafur Haukur Kárason formaður, S lista
  • Ragnheiður H Ragnarsdóttir varaformaður, F lista
  • Gunnlaugur Oddsson aðalmaður, F lista
  • Margrét Ósk Harðardóttir aðalmaður, D lista
  • Ásgeir Logi Ásgeirsson aðalmaður, D lista
  • Sverrir Sveinsson áheyrnarfulltrúi, B lista
  • Gunnar Ingi Birgisson bæjarstjóri
  • Ármann Viðar Sigurðsson deildarstjóri tæknideildar
  • Þorbjörn Sigurðsson yfirhafnarvörður
Fundargerð ritaði: Ármann Viðar Sigurðsson deildarstjóri tæknideildar

1.Dýpkun - Siglufjarðarhöfn

Málsnúmer 1503011Vakta málsnúmer

Dýpkun í Siglufjarðarhöfn er lokið. Fjarlægðir voru 3.440 rúmmetrar af efni, sem er aukning frá áætlun um 940 rúmmetra. Aukningin stafar af viðbótarverki við innsiglingu í innrihöfn.

2.Minnisblað hafnarstjóra vegna hafna í Fjallabyggð

Málsnúmer 1505068Vakta málsnúmer

Lagt fram minnisblað hafnarstjóra þar sem farið er yfir fjárhagslega stöðu Fjallabyggðarhafna.

Hafnarstjórn felur hafnarstjóra að koma með sparnaðartillögur og tillögur að aukinni nýtingu á bryggjum í Fjallabyggðarhöfnum.

3.Umhverfisstefna hafna

Málsnúmer 1111070Vakta málsnúmer

Lögð fram drög að leiðbeinandi fyrirmynd fyrir umhverfisstefnu hafna.

Hafnarstjórn felur hafnarstjóra, deildarstjóra tæknideildar og yfirhafnarverði að útbúa umhverfisstefnu hafna fyrir Fjallabyggðarhafnir.

4.Endurbygging Bæjarbryggju á Siglufirði

Málsnúmer 1505028Vakta málsnúmer

Lagt fram bréf frá Vegagerðinni þar sem fram kemur að útboð á efniskaupum á stálþili vegna Bæjarbryggju var auglýst 6. maí og verða tilboð opnuð 12. júní. Efnið skal afhendast á verkstað eigi síðar en í lok september 2015.

5.Öryggis- og eftirlitsmyndavélakerfi fyrir hafnir Fjallabyggðar

Málsnúmer 1405039Vakta málsnúmer

Búið er að afhenda allt efni fyrir myndavélakerfin og er gert ráð fyrir að uppsetningu verði lokið í júní.

6.Flotbryggjur

Málsnúmer 1401114Vakta málsnúmer

Lagt fram tilboð frá Króla ehf í uppsetningu á þremur einingum af fráfarandi flotbryggju í Ólafsfirði.
Einnig ósk Selvíkur um að nýta eina fráfarandi bryggju við Sigló Hótel samkvæmt meðfylgjandi uppdrætti.

Búið er að ráðstafa einni einingu við olíuafgreiðslu á Óskarsbryggju.

Hafnarstjórn setur þann fyrirvara að bryggjurnar verði nýttar ef ástandsskoðun, eftir að þær hafa verið teknar upp, leiðir í ljós að þær séu nothæfar.

7.Landaður afli í Fjallabyggðarhöfnum 2015

Málsnúmer 1503085Vakta málsnúmer

Landaður afli á tímabilinu 1. janúar 2015 til 29. maí 2015.
Siglufjörður 7455 tonn í 807 löndunum.
Ólafsfjörður 378 tonn í 337 löndunum.
Samanburður við sama tíma fyrir árið 2014 er.
Siglufjörður 6326 tonn í 862 löndunum.
Ólafsfjörður 256 tonn í 338 löndunum.
Lagt fram til kynningar.

8.Afleysingarstarf við hafnir Fjallabyggðar

Málsnúmer 1505010Vakta málsnúmer

Ein umsókn barst í afleysingarstarf við hafnir Fjallabyggðar og er hún frá Guðna Þór Sveinssyni.
Lagt fram til kynningar.

9.Staðsetning olíutanka fyrir smærri báta

Málsnúmer 1504018Vakta málsnúmer

Lagður fram tölvupóstur frá N1, þar sem hugmyndir um mengunarvarnir eru reifaðar. Bent er á að hægt væri að setja árekstrarvörn, eða að steypa þró undir olíutanka.

Hafnarstjórn bókar að olíufélögunum verði skylt að nota tvöfalda tanka og setja viðurkenndar árekstrarvarnir.

10.Hafnafundur 2015 í Hafnarfirði

Málsnúmer 1505063Vakta málsnúmer

Stjórn Hafnasambands Íslands boðar til 7. hafnafundar, sem haldinn verður í Hafnarfirði, föstudaginn 28. ágúst næstkomandi.

Hafnarstjórn felur yfirhafnarverði að sitja fundinn.

11.Rekstraryfirlit mars 2015

Málsnúmer 1505022Vakta málsnúmer

Lagt fram til kynningar.

12.Lækkun á gjaldi fyrir móttöku á úrgangi frá skipum

Málsnúmer 1504068Vakta málsnúmer

Lagt fram til kynningar.

13.Kynning á fyrirtækinu Ráðrík ehf

Málsnúmer 1504023Vakta málsnúmer

Lagt fram til kynningar.

14.Koma skemmtiferðaskipa á Siglufjörð

Málsnúmer 1506002Vakta málsnúmer

Mikil aukning er á komu skemmtiferðaskipa til Siglufjarðar. Á árinu 2015 eru tveir dagar þar sem tvö skemmtiferðaskip verða á staðnum á sama tíma.
Við þær aðstæður verður ekki pláss fyrir öll skip á Bæjarbryggju og því þarf að leggja togurum og/eða skemmtiferðaskipum annað hvort að Ingvarsbryggju eða Óskarsbryggju.

Hafnarstjórn felur yfirhafnarverði að finna lausn á vandamálinu.

Fundi slitið.