Bæjarráð Fjallabyggðar

325. fundur 06. desember 2013 kl. 15:00 - 16:00 í Ráðhúsinu Gránugötu 24 Siglufirði
Nefndarmenn
  • Þorbjörn Sigurðsson formaður
  • Sigurður V Ásbjarnarson bæjarstjóri
  • Ólafur Þór Ólafsson skrifstofu- og fjármálastjóri
  • Sólrún Júlíusdóttir varamaður
  • Ingvar Erlingsson varamaður
Fundargerð ritaði: Sigurður Valur Ásbjarnarson bæjarstjóri

1.Auglýsing umsóknar um byggðakvóta fiskveiðiársins 2013/2014

Málsnúmer 1309029Vakta málsnúmer

Fjórir aðilar hafa svarað bréfi og fyrirspurnum bæjarráðs frá 13. nóvember s.l er varða samstarf fiskverkenda og útgerðaraðila á vinnslu byggðarkvóta á síðasta fiskveiðiári.

Þessir aðilar eru;

1. Knollur ehf.

2. Útgerðarfélagið Nesið ehf.

3. Siglunes ehf.

4. Hafblik ehf.

 

Lagt fram til kynningar.

 

2.Aukaþing SSNV - fjárhagsáætlun 2014 vegna málefna fatlaðs fólks

Málsnúmer 1311074Vakta málsnúmer

Lögð fram gögn er varðar aukaþing SSNV, til kynningar. Forseti bæjarstjórnar sat fundinn og fór hann yfir þau mál sem þar voru til umræðu en fundurinn var haldinn í gær fimmtudag.

Á þeim fundi var ákveðið að stofna nýtt byggðasamlag í janúar.

Samþykkt var á fundinum að skipa undirbúningsstjórn til að ljúka við undirbúning fyrir umræddan stofnfund. Ingvar Erlingsson situr í stjórninni fyrir hönd Fjallabyggðar.

Drög að samþykktum byggðasamlagsins verða til afgreiðslu á næsta fundi bæjarstjórnar Fjallabyggðar.

3.Ályktanir aðalfundar Skalla 30. september 2013

Málsnúmer 1311079Vakta málsnúmer

Lagt fram bréf frá Smábátafélaginu Skalla dags. 26.11.2013, undirritað af formanni félagsins.

4.Fyrirhuguð hækkun hámarksútsvars

Málsnúmer 1311084Vakta málsnúmer

Innanríkisráðuneytið hefur sent tilkynningu til allra sveitarfélaga þar sem athygli er vakin á því að í undirbúningi eru breytingar á lögum nr. 4/1995 um tekjustofna sveitarfélaga. Breytingarnar eru í samræmi við viðauka sem gerður hefur verið við samkomulag ríkis og sveitarfélaga frá 23. nóvember 2010 um tilfærslu þjónustu við fatlaða.

 

Leyfilegt hámarksútsvar af tekjum manna á árinu 2014 mun hækka um 0,04%, úr 14,48% í 14,52%. Gert er ráð fyrir að álagningarhlutfall tekjuskatts lækki um samsvarandi hlutfall, þannig að ekki verði um heildarhækkun tekjuskatts og útsvars að ræða.
Frestur sveitarstjórna til að ákveða útsvarshlutfall ársins 2014 er framlengdur til 30. desember 2013. Jafnframt er frestur til að tilkynna fjármála- og efnahagsráðuneytinu um þessa ákvörðun sveitarstjórnar framlengdur til sama tíma.

Í tilkynningunni hvetur ráðuneytið sveitarfélög til að fylgjast með framgangi málsins á Alþingi og verða nánari upplýsingar veittar hjá Innanríkisráðuneytinu og Sambandi íslenskra sveitarfélaga.

 

Bæjarráð leggur til við bæjarstjórn að útsvar verði óbreytt á árinu 2014 eða 14.48%.

5.Fjárhagsáætlun 2014 og 2015 - 2017

Málsnúmer 1304016Vakta málsnúmer

Bæjarráð samþykkir neðanritaðar breytingar á tillögu á fjárhagsáætlun fyrir árið 2014 - fyrir síðari umræðu.

1.       Útsvar verði óbreytt þ.e. 14.48%

2.       Verðbólga miðist við 2.5%

3.       Launahækkanir miðist við 2.0%

4.       Lækkun á tekjum frá Jöfnunarsjóði um 7 m.kr.

5.       Handbært fé taki mið af um 60 m.kr. í áætlun 2014 -2017. Annað er fært í framkvæmdir.

6.       Veltufé frá rekstri verði um 350 m.kr. á árunum 2016 og 2017.  

7.       Lífeyris -  skuldbyndingar, meðferð þeirra í reikningum um áramót til skoðunar.  

8.       Hækkun á gjaldskrá miðast einungis við hækkun á sorphirðugjöldum.

9.       Lækka þarf framkvæmdarliði um lækkun á framlagi frá Jöfnunarsjóði. Rétt er að miða handbært fé við um 60 m.kr.

10.    Aðrar breytingar - Skoðast á næsta fundi bæjarráðs - þriðjudag.

Samþykkt samhljóða.

6.Málefni Heilbr.stofnunarinnar, Fjallabyggð

Málsnúmer 1310087Vakta málsnúmer

Borist hefur bréf frá forstjóra HSF dags. 2. desember 2013. Bréfið er svar við fyrirpurn frá bæjarráði frá 4. nóvember s.l. Í bréfinu koma fram skýringar á þeirri ákvörðun um að staðsetja eina sjúkrabílinn í Fjallabyggð á Siglufirði.

Lagt fram til kynningar.

Bæjarráð leggur þunga áherslu á að ríkisvaldið tryggi fjármagn og standi við yfirlýsingar um rekstur á tveimur bílum á Ólafsfirði og á Siglufirði. 

 

7.Ósk eftir heimild til afskrifta eftirstöðva skulda

Málsnúmer 1311053Vakta málsnúmer

Sýslumaðurinn á Siglufirði óskar eftir því að afskrifa eftirstöðvar skulda á fjóra aðila.

Bæjarráð samþykkir framkomna beiðnir þar sem gerðar hafa verið árangurslausar innheimtuaðgerðir.

Umræddar afskriftir eftirstöðva eru færðar sem trúnaðarmál.

8.Ósk um niðurfellingu á gjaldi vegna stöðuleyfis gáms

Málsnúmer 1311069Vakta málsnúmer

Skotveiðifélag Ólafsfjarðar óskar eftir niðurfellingu á gjaldi vegna stöðuleyfis á gámi kr. 23.000.-.

Samþykkt.

9.Viðauki við fjárhagsáætlun 2013 og 2014 - 2016

Málsnúmer 1303056Vakta málsnúmer

Bæjarráð leggur til við bæjarstjórn að viðaukinn verði samþykktur er varðar útgáfu bókar enda um áður gerðan samning að ræða kr. 500 þúsund.

Samþykkt samhljóða.

10.Þjónustugjald Flokkunar - gjald pr.íbúa

Málsnúmer 1311072Vakta málsnúmer

Lagt fram bréf frá stjórn dags. 22 nóvember sl.
Fram kemur að stjórn Flokkunar óskar eftir að Fjallabyggð greiði gjald fyrir alla íbúa sveitarfélagsins, en ekki verði miðað við íbúa Ólafsfjarðar eins og gert hefur verið.

Lagt fram til kynningar - afgreiðslu frestað.

11.Úrskurður vegna Grunnskólareits á Þormóðseyri á Siglufirði

Málsnúmer 1312016Vakta málsnúmer

Lagt fram bréf úrskurðarnefndar frá 4. desember 2013 en þá var tekið fyrir mál nr. 59/2913, kæra á ákvörðun bæjarstjórnar Fjallabyggðar frá 15. maí 2013 um að samþykkja deiliskipulag grunnskólareits á Þormóðseyri, Siglufirði. Jafnframt er kærð sú ákvörðun skipulags- og umhverfisnefndar Fjallabyggðar frá 19. júní 2013 að samþykkja umsókn um byggingarleyfi fyrir viðbyggingu skólahúsnæðis að Norðurgötu 10, Siglufirði.

Í úrskurðarorðum umhverfis- og auðlindamála kemur fram að hafnað er kröfu um ógildingu á ákvörðun bæjarstjórnar Fjallabyggðar frá 15. maí 2013 um að samþykkja deiliskipulag grunnskólareits á Þormóðseyri á Siglufirði.

Hafnað er einnig kröfu um ógildingu ákvörðunar skipulags- og umhverfisnefndar Fjallabyggðar frá 19. júní um að samþykkja umsókn um byggingarleyfi fyrir viðbyggingu við skólahúsnæði að Norðurgötu 10, Siglufirði.

Í framhaldi af niðurstöðu úrskurðarnefndar er bæjarstjóra falið að bjóða verkið út hið fyrsta.

Lögð er áhersla á að miða útboð við neðanritaðar dagsetningar.

Auglýsing um útboð verði birt laugardaginn 14. desember.

Gögn afhent miðvikudaginn 18. desember.

ÚTBOÐSYFIRLIT

Kynningarfundur 2. jan. 2014 Sjá nánar kafla 0.1.5 í útboðsgögum

Fyrirspurnatíma lýkur 6. jan. 2014 Sjá nánar kafla 0.3.2 

Svarfrestur rennur út 10. jan. 2014 Sjá nánar kafla 0.3.2 

Opnunartími tilboða 17. jan. 2014 kl: 10.00 Sjá nánar kafla 0.4.5 

Upphaf framkvæmdatíma við töku tilboðs Sjá nánar kafla 0.1.7 

Lok framkvæmdatíma 15. ágúst. 2014 Sjá nánar kafla 0.1.7

Samþykkt af meirihluta bæjarráðs en Sólrún Júlíusdóttir sat hjá.

12.Rekstraryfirlit október 2013

Málsnúmer 1312014Vakta málsnúmer

Rekstraryfirlit fyrstu tíu mánuðina lagt fram til kynningar.

Rekstrarniðurstaða er 27 milljónum betri en tímabilsáætlun gerir ráð fyrir. Tekjur eru 5 milljónum lægri, gjöld 27 millj. lægri og fjárm.liðir 5 millj. lægri.

13.Starf verkstjóra í þjónustumiðstöð

Málsnúmer 1311050Vakta málsnúmer

Lagðar fram upplýsingar um umsóknir um starf bæjarverkstjóra frá deildarstjóra tæknideildar.

14 umsóknir bárust en neðanritaðir aðilar sóttu um starfið.

 

Þórður Guðmundsson

Heimir Heimisson

Ingvar Kr. Hreinsson

Birgir Ingimarsson

Sigurjón Pálsson

Baldur J. Daníelsson

Ásdís Sigurðardóttir

Guðmundur Skarphéðinsson

Ríkharður H. Sigurðsson

Kristinn Kristjánsson

Óðinn F. Rögnvaldsson

Ólafur Baldursson

Þorkell Einarsson

Torfi P. Guðmundsson

 

 

14.Fundagerðir Heilbrigðisnefndar Norðurlands vestra 2013

Málsnúmer 1301024Vakta málsnúmer

Fundargerð Heilbrigðisnefndar Norðurlands vestra frá 2. desember lögð fram til kynningar

15.Fundagerðir stjórnar Eyþings 2013

Málsnúmer 1301026Vakta málsnúmer

Fundargerð 249. fundar stjórnar Eyþings lögð fram til kynningar. Vakin er athygli á erfiðri stöðu almenningssamgangna á svæði Eyþings.

Fundi slitið - kl. 16:00.