Aukaþing SSNV - fjárhagsáætlun 2014 vegna málefna fatlaðs fólks

Lagt fram til kynningar fundarboð aukaþings Samtaka sveitarfélaga á Norðurlandi vestra sem haldið verður 5. desember n.k. á Sauðárkróki. Á aukaþinginu verður lögð fram fjárhagsáætlun fyrir árið 2014 vegna reksturs málefna fatlaðs fólks fyrir árið 2014 á starfssvæði SSNV, Fjallabyggðar og Dalvíkurbyggðar.
Á aukaþinginu verður jafnframt gerð grein fyrir störfum starfshóps, stjórnar og þjónustuhóps varðandi tillögur um breytingar á rekstrarformi og samstarfssamningi, þar sem horft er til stofnunar nýs byggðasamlags um málaflokkinn með beinni þátttöku allra sveitarfélaga sem koma að rekstrinum.
Undir þessum dagskrárlið kom Ingvar Erlingsson fulltrúi Fjallabyggðar í stjórn Byggðasamlags um málefni fatlaðra á Norðurlandi vestra og upplýsti bæjarráð um stöðu mála.
Bæjarráð hvetur bæjarfulltrúa til að sækja aukaþingið.

Lögð fram gögn er varðar aukaþing SSNV, til kynningar. Forseti bæjarstjórnar sat fundinn og fór hann yfir þau mál sem þar voru til umræðu en fundurinn var haldinn í gær fimmtudag.

Á þeim fundi var ákveðið að stofna nýtt byggðasamlag í janúar.

Samþykkt var á fundinum að skipa undirbúningsstjórn til að ljúka við undirbúning fyrir umræddan stofnfund. Ingvar Erlingsson situr í stjórninni fyrir hönd Fjallabyggðar.

Drög að samþykktum byggðasamlagsins verða til afgreiðslu á næsta fundi bæjarstjórnar Fjallabyggðar.

Aukaþing SSNV var haldið á Sauðárkróki þann 5. desember síðast liðinn. Á þinginu var samþykkt að stofna nýtt byggðasamlag um málefni fatlaðra. Jafnframt var samþykkt að skipa undirbúningsstjórn til að ljúka við undirbúning fyrir umræddan stofnfund.
Ingvar Erlingsson situr í stjórninni fyrir hönd Fjallabyggðar.
Drög að samþykktum byggðasamlagsins verða til afgreiðslu á næsta fundi bæjarstjórnar Fjallabyggðar.